پکتیکا ولایتینینگ قتناو یولیدهگی ناتینچلیک، مذکور ولایت یشاوچیلریدن یوزلرچهسینی جادهلرگه چیقاردی.
ناراضیلیک نمایش یولگه قویگنلرنینگ ایتیشیچه، سونگی کونلرده غزنی و پکتیا ولایتلریگه بارهدیگن پکتیکا قتناو یولیده ناتینچلیک کوپهیگن و یولده قوراللی کیشیلر یولاوچیلرنی قتل قیلهدی. ناراضچیلرنینگ آگاهلنتیریشیچه، اوشبو یوللرنی خوفسیزلیگی گه دقت قیلینمهگن صورتده، ناراضیلیکلریگه دوام بیرهدیلر.
بیراق، پکتیکا حاکمی سوزلاوچیسی محمد ایازنینگ سلاموطندارگه ایتیشیچه، بو قیینچیلیک نی جمهور رییس بیلن شریک قیلگنلر و جمهور رییس هم تیزلیکده بو موضوع گه دقت قیلینیشی توغریسیده سوز بیرگن.
شونینگدیک، اوتگن کون پکتیکا مدنی فعاللری و ولایتی کینگش اعضالریدن بیرقطاری، پکتیکا-غزنی قتناو یولیده ناتینچلیکلر کوپهیگنی گه اعتراض بیلدیریب و ولایت مرکزی تورت یولیده تحصن خیمه اورگن ایدیلر.
گزارشلر اساسیده، اوتگن ییل ایسلنگن قتناو یولده پکتیکا قوم بویوکلری و یاشلریدن 15 کیشی دولت گه قرشی قوراللی عصیانچیلر تامانیدن اولدیریلگن.
