شنبه کونی ایرتهلب جنگری طالبلر، گروهی شکلیده فراه ولایتینینگ حربی پوستهلریگه هجوم اویوشتیرگنلر.
فراه ولایتینینگ امنیتی رسمیلرنینگ ایتیشیچه، جنگری طالبلر سانی 350 کیشیگه قدر بولیب، هدفلری فراهرود و فراه قتناو یوللریدهکی امنیتی پوستهلریگه هجوم اویوشتیریش ایکن.
فراه ولایتی، حربی سوزلاوچیسی عبدالرؤوف رحمانینینگ سلاموطندارگه ایتیشیچه، اوشبو هجومده امنیتی کوچلر بیلن جنگریلر توقنهشگن، حاضرگه قدر توقنه شوولر دوام تارتماقده نتیجهده بیر پولیس یرهلنگن.
جناب رحمانی، جنگری طالبلر تلفاتی انیق ایمس، بیراق قولگه کیریتکن معلوماتلریگه کوره، اوشبو توقنه شوولرده 10 طالب هلاک بولیب و باشقه 9 تهسی جراحت کوترگن.
شوندهی بیرحالده، فراه پولیسی قومندانی فضل محمد صمدیارنینگ اوشبو خبرنی تصدیقلب سلاموطندارگه ایتیشیچه، کماندو، پولیس و حربی یاردم بیروچی کوچلر اوروش محلیده باریب، جنگریلرگه آغیر تلفات ییتکیزگنلر.
جناب صمدیارنینگ کوپیتیریشیچه، حاضرگه قدر اوروش نتیجهسی امنیتی کوچلر نفعیگه بولگن.
افغانستان امنیتی کوچلری حاضرگه قدر جنگری طالبلر بیلن اولکه ایریم بولیمیده اوروشیب کیلماقدهلر.
فاریاب و جوزجان امنیتی پوستهلری اوستیگه گروهی هجوم اویوشتیریلدی
شوندهی بیرحالده، جوزجانده امنیتی پوستهلر اوستیگه جنگری طالبلر تمانیدن اویوشتیریلگن هجوم نتیجه سیده 9 کیشی هلاک بولیب باشقه 8 کیشی تن جراحت آلگن.
جوزجان پولیسینینگ سوزلاوچیسی عبدالمنان رووفینینگ سلاموطندارگه ایتیشچه، اوتکن جمعه کیچه، یوزدن آشه جنگری طالب شبرغان شهریده سهشنبهتپه امنیتی پوستهسیگه هجوم اویوشتیریش نتیجهده 8 طالب و بیر پولیس هلاک بولگن و باشقه 5 طالب و بیر پولیس یرهلنگن.
جناب رووفیگه کوره، توقنه شوو امنیتی کوچلری و جنگری طالبلر آرهسیده نیچه ساعت دوام ایتکن و یاردم بیروچی کوچلر ییتیب کیلگندن سونگ طالبلر محلدن قاچیشگه موفق بولگن.
شونینگدیک فاریاب ولایتی، المار تومنینینگ باشلیغی محمدصالح صالحنینگ سلاموطندارگه ایتیشیچه، اوتکن کیچهجنگری طالبلر مذکور تومن مرکزی، تیجم، بخاری قلعه، دیوانهخانه قشلاقلریده جایلشگن امنیتی پوسته لرگه هجوم اویوشتیرگنلر.
جناب صالحنینگ کوپهیتیریشیچه، اوشبو هجومده قاری عمرگه تانیلگن ملا فاروق و ملا رسول قوشیمچه تورت طالب هلاک بولیب، باشقه 6 تهسی هم تن جراحت آلگن.
سونگی پیتلرده جنگری طالبلرنی هجومی اولکه ایریم منطقهلریده شدت تاپگن و امنیتی کوچلر حاضرگی کونلرده نیچه تمانلمه طالبلرگه قرشی اوروشیب کیلماقده.
