باش قارهلاوچیلیکدهگی منبعلردن بیرینینگ سلاموطندارگه ایتیشیچه، جمهور رییس بویروغی اساسیده، تقاعد یاشیگه اساسلنیب، بیراق ایریم دلیللر باعث، ایش قراردادلری قیتهتیکلنگن قارهلاوچیلر، قویاش جاری ییل اداغیگچه تقاعد بولیشهدی.
منبعنینگ ایتیشیچه، اوشبو چیتلنتیریشگه باش قارهلاوچیلیگینی 20 باشلیغی هم شامل بولهدی؛ مذکور باشلیغلر «آز ایشلشلری» باعث، وظیفهلریدن چیتنلتیریلهدی. باش قارهلاوچیلیگینینگ نظارتی اورین باسرلری، مدنی ریاستی و سوداگرلیک ریاستی موازی ادارهلر تشکیلاتی و شونینگدیک، باش قارهلاوچیلیگیدن تشقر فعالیت قیله دیگنلر، اوشبو اداره تشکیلاتیده کیریتیلهدیگن اصلاحات جملهسیدن بولیشی ممکن.
جمهور رییس غنینینگ، اوتگن ییل آنت ایچیش مراسمیده ایتیشیچه، برچه عدلی و قضایی ادارهلریگه اصلاحات کیریتیب و اوشبو ادارهلر تشکیلاتینی اساسی شکلده اوزگرتیرهدی.
باش قارهلاوچیلیگینی نیچه ادارهسی لغو ایتیلگن صورتده، اوشبو اداره تشکیلاتیده بیر مسلکی انستیتوت ایجاد ایتیلیب و کیلهجک ییلگچه، بانکی و انترنتی جرملر بولیمیگه ایشلهیدیگن قارهلاوچیلر یخشی شکلده تعلیم کورهدی.
باش قارهلاوچیلیک ادارهسی و تشکیلاتیده کیریتیلهدیگن اوزگرتیریش و اصلاحاتگه، 12- صنفدن فارغ بولگن ایشچیلر و قارهلاوچیلر شامل بولهدی. بیراق، بو قانونگه ینگی قانون ریجهسیدن آلدین مملکت قضایی سیستمهسیگه ایشلب و عالی تحصیلاتی بولمهگن ایشچیلر شامل بولمهیدی. ینگی قانونده کیلیشیچه، یالغیز حقوق و شرعیات بولیمیدن فارغ بولگن کیشیلر قضایی سیستمیگه کیریب و قارهلاوچی صفتیده مملکت محکمهلریگه ایشلهآلهدی.
باش قارهلاوچیلیک منبعسینینگ ایتیشیچه، کمیده بیر مینگ کیشی پایتخت و مملکت باشقه ولایتلریده 12- صنفدن فارغ بولیب و شونینگدیک اوقیگن بولیملریگه قرشی مملکت قضایی ادارهلریگه ایشلهیدی. منبعنینگ کوپهیتیریشیچه، ینگیلیکده مملکت بویلب قارهلاوچیلیک ایشچیلرینینگ، وضعیتی و شونینگدیک، تحصیللری تیکشیریلیشی خصوصیده، کمیسیون تشکیل ایتیلگن؛ اوشبو کمیسیون تقاعد یاشیگه اساسلنیب و حاضرگچه قضایی ادارهلرده ایشلب کیلهدیگن کیشیلر رقمینی بیللی قیلیب و یاشلرگه زمینه یرهتهدی.
جمهور رییس سوزلریدن بیری، مملکت قارهلاوچیلرینینگ امتیازینی کوپهیتیریش دیر و قضایی تیزیم اصلاحاتی خصوصیده، بولگن ینگی ریجه تطبیق ایتیلگن صورتده، بو سوز هم عملگه آشیریلهدی. اوشبو ریجه تصدیقلنیشی اوچون تیزلیکده نمایندهلر کینگشیگه یوباریلهدی. حاضر قارهلاوچیلرنینگ آیلیگی 21 مینگ افغانی بولهدی. بیراق ینگی قانون اساسیده، حقوق و شرعیات بولیمیدن حجتی بولگن هر بیر قارهلاوچی 81 مینگ افغانی آیلیک قولگه کیریتهدی.
منبعگه کوره، اوشبو اصلاحات یانیده، قضایی ادارهلریده اداری فسادگه قرشی کورهشیش بیرینچی ایش بولگن؛ و حاضرگچه پایتخت قارهلاوچیلریدن بیری ساخته حجت و صلاحیتیدن ناقانونی فایدهلنیشگه عیبلنیب توتقونگه آلینگن. شونینگدیک، کابل قارهلاوچیلریدن 80 تهسی آگاهلنتیریلگن و باشقه 17 کیشینینگ دوسیهسی باشقه قارهلاوچیلیگیگه یوباریلگن.
مملکت حقوقدانلریدن طاهر هاشمینینگ ایتیشیچه، مملکت قضایی سیستمهسیگه اصلاحات کیریتیش باش محکمه ایشی اوستیگه ایجابی تأثیر تشلهیدی، بیراق چیتلنتیریلگن کیشیلر اورنیده مسلکی کیشیلر جایلشتیریلیشی کیرهک. جناب هاشمینینگ ایشانچیگه کوره، ملی بیرلیک حکومتی جمهور رییس بیلن اجراییه باشلیغی اورتهسیده تقسیم بولگن و ایشگه آلینگن کیشیلر شایستهلیک اساسیده ایمس، بلکیم علاقهلر اساسیده، تعیین ایتیلگنلر.
ایتیش لازم، نیچه آی آلدین قارهلاوچیلردن بیرقطاری، مملکت قضایی تیزیمیگه اصلاحات کیریتیش ریجهسیگه قرشی ناراضیلیک بیلدیریب، باش قارهلاوچیلیک یقینیده توپلهنیب و جمهور رییسدن، مذکور ریجهنی رد ایتیشینی سورهگن ایدی.
