هلمند ولایتی نینگ امنیه قوماندانی جنرال نبی جان ملاخیل خبرچیلرگه خراسان ولایتیده اسلامی دولت جنگریلر رهبری نینگ اورین باسری ملا عبدالرووف خادم آیساف هوا کوچلری تامانیدن اوتکزیلگن هجومده نابود بولگن لیگینی ایتگن.
جنرال ملاخیل نینگ ایتیشیچه، هجومده جناب خادم نینگ آلتی کیشی یولداشی هم اولگن. اولدیریلگنلر ایچیده خادم نینگ ایناغه سینی تورموش اورتاغی هم موجود بولگن. محلی منبعلرنینگ سلام وطندارگه بیلدیریشیچه، هلاک ایتیلگنلرنینگ اوچ نفری شمالی وزیریستان فقراسی دیر و باشقه اوچ کیشی سی محلی جنگریلردن.
بوندن بیر هفته آلدین ترقه تیلگن گزارشلرده ملا خادم بیلن طالبلر قوماندانی اورته سیده تاپیلگن قره مه قرشی لیکلر باعث ملا خادم نینگ 40 نفری طالبلر آرقلی اولدیریلگنی قید قیلینگن ایدی. اما، بو خبر هنوز هم طالبلر تامانیدن تصدیق لنمهگن.
اشدی سلفیلردن بولمیش ملا عبدالرووف خادم اخیرگی ییللرده طالبلر تامانیدن ایشگه آلینگن ایدی. ایتیلیشیچه، قوراللی طالبلر ملا خادمنی اوز صفلریگه قوشیش بیلن مذکور حرکت ایچیده مذهبی قرهمه قرشیلیک یوق لیگی نی اثبات لشگه اولگورگن.
اما، بیر ییلدن سونگ ملا خادم طالبلر گه ضد مخالفت بیلدیرگنی سبب اوشبو حرکتدن چیقاریلیشیگه باعث بولدی. بوندن آلدین سیاسی ایش بیلرمان جاوید کوهستانی سلام وطندارگه، ملا عبدالرووف خادم مذکور گروه دن اوچ آلیش نیتی بیلن اوزینی داعش گروهی رهبر اعلان قیلگن لیگینی ایتگن ایدی.
خادم سونگی بیر نیچه وقت ایچیده کوپ مقدارده مبلغ صرفلب طالبلر صفیدن کیشیلرنی اوزیگه قرم قیلیشگه سعی و حرکت باشله گنی ایتیلهدی. بیراق افغانستان بلند مرتبهلی رسمیلری همده هلمند ولایت اورین باسری مذکور گروهنی نقابلیک قوراللی طالبلردیب تَنیدی. بولرنی داعش گروهی بیلن علاقه سی بولگن لیگینی رد ایته دیلر. شونینگ دیک ولایت امنیه قوماندانی کیلگوسی ایکی آیده مذکور ولایت خوف سیزلیک وضعیتی نی یخشیلشدن سوز بیرگن.
ملا عبدالرووف اولدیریلگن لیگی آرتیدن هنوزگچه هم هیچ بیر گروه عکس العمل بیلدیریشمه گن.
