غور محلی مسووللری نینگ ایتیشیچه، طالبان گروهی اوتگن کیچه غور ولایتینینگ تولک تومنیده هجوم قیلیب دولتدن حمایت قیلهدیگن کیشیلرنینگ اویلرینی اوتگه تارتگن.
تولک تومنی ولسوالی سلیمان یوسفی نینگ سلاموطندارگه ایتیشیچه، اوشبو هجومده مردمی کوچلر پوستهلریدن 6 تهسی طالبان نظارتیگه اوتگن.
اونینگ ایتیشیچه، اوشبو هجومده مردمی کوچلردن 1 تهسی هلاک ایتیلیب و باشقه 13 تهسی یرهلنگن و شونینگدیک، اوشبو کوچلردن باشقه 3 تهسی یوقلگن دیر.
تولک تومنی ولسوالی نینگ کوپهیتیریشیچه، 7 کوندن بویان طالبان گروهی بیلن اوروشهدیلر، بیراق حاضرگهقدر هیچقندی کمکی کوچلر یوباریلمهگن.
غور پولیس قومندانلیگینینگ خوفسیزلیک آمری سیدضیا حسینی نینگ ایتیشیچه، طالبان هجومی نتیجهسیده، مردمی کوچلر پوستهلریدن 1 تهسی سقوط قیلیب و اوشبو کوچلردن 4 تهسی یرهلنگن دیر.
جناب حسینی نینگ کوپهیتیریشیچه، اوتگن کیچه امنیتی کوچلر و طالبان جنگریلری آرهسیده یوز بیرگن آتیشمهدن طالبان گروهی هم تلفات کورگن.
