هلمند ولایتیده ملی اردو بلند مرتبهلی رسمیلری افغان ملی کوچلریگه یاردم بیریش اوچون مذکور ولایتگه امریکهلیک حربی قوشینلر کیلگن دیگنلر. ملی کوچلرنینگ اوشبو بلند مرتبهلی رسمیلری، تیزلیکده هلمند ولایتیگه بریتانیالیک حربیلر سفر بَر ایتیلیشینی هم ایتگنلر.
هلمند ولایتیده قوراللی طالبلرنینگ هجوم میزانی آشگنی جدی خواطرلرگه سبب بولدی. ینگی ترقهتیلگن گزارشلرده جنگری طالبلر هلمند ولایتی سنگین ولسواللیگینینگ اوز تصرفیگه آلگنی خبر قیلیندی.
ولایت محلی یوقاری مرتبهلی رسمیلری، هلمند امنیتی وضعیتی اوچون دییرلی اعتبار بیریلمهگن تقدیرده، ولایت مرکزی لشکرگاه شهری هم دولت قوراللی مخالفلری تامانیدن اشغال ایتیلیشی حقیده آگاهلنتیرگنلر.
میوند 215- قول اردو سوزلاووچیسی محمدرسول زازینینگ سلامطندارگه ایتیشیچه، حاضر کوپچیلیک حربی کوچلر اوشبو ولایتده ییرلشگن و مملکت ملی مدافعه وزیرلیگی تیزلیکده مذکور ولایتگه بریتانیا حربی قوشینلری سفر بَر ایتیلیشی توغریسیده خبر بیرگن.
شونینگدیک زازی، حاضرده هلمند امنیتی ملی کوچلر تامانیدن باشقریلهدی و سنگین تومنیدهگی جاری اوروشده افغان ملی کوچلری آلغه سیلجیماقده دیگن.
عین حالده، سلاموطندار بیلن تیلفونی علاقهده بولگن سنگین تومنینینگ یشاووچیلریدن محمدجمعهگه کوره، هنوز هم افغان ملی کوچلری بیلن جنگری طالب لر اورتهسیده اوشبو تومنده اوروش دوام ایتماقده. اونینگ ایتیشیچه، ملی کوچلر180 حربیسی جنگریلر تامانیدن قورشاوگه آلینگن و اولرنینگ ییگولیک آذیق آوقت همده حربی قوشینگه احتیاجلری بار.
سنگین ولسواللیگینینگ مذکور یشاووچیسی، ایناغهسی هم قورشاوده بولگن ملی کوچلر ایچیده قالگنینی تیلگله آلگن. اونینگ سوزلریگه قرهگنده، ملی کوچلر بیلن جنگری لر اورتهسیده یوز بیرگن قتیق اوروش عاقبتیده افغان ملی کوچلرینینگ 60 عسکری هلاک ایتیلگن و 100 تهسی ایسه آغیر و یینگیل تن جراحتی آلگن.
افغانستان جنوبیده جایلشگن هلمند ولایتی قوراللی طالبلرنینگ ییریک مرکزلریدن سنلهدی. سونگی بیر نیچه آیدن بیری مذکور ولایتنینگ امنیتی کوتیلمهگن درجهده بوزیلگن.
قوراللی طالبلر افغان ملی کوچلری بیلن مذکور گروه اورتهسیده روی بیرگن قتیق اوروشلرده ملی کوچلرگه آغیر تلفات ییتکزگنلیکلرینی ادعا قیلگنلر؛ لیکن بو ادعالر ایسه حکومت ملازملری تامانیدن رد ایتیلگن.
