اوغیرلنگنلردن 19 کیشی سی نهایتده 53 کوندن کیین ثور آیی نینگ 23- سیده آزاد ایتیلدی.
اوغیرلگن 31 مسافردن 19 نفرینی قوییب یوباریلگنیدن ایکی هفته اوتیب بارماقده.
اما، گروهده قالگن 12 مسافرنینگ عایلهسی فرزندلری تقدیری اوچون دولتنی بی فرق یاندشگنلیکلیکده عیبلهگن.
مذکور خانهدانلر هنوز هم کابل نینگ زرنگار پارکیده تیکلنگن تحصن چادریده حیات کیچیرهدیلر.
ایتیلیشیچه، حکومت گروه ده قالیب باره یاتگن 12 مسافر بارهسیده معلومات بیرمی فرق سیز یاندهشماقده.
اوغیرلنگن مسافرلردن 19 نفری قوییب یوباریلیشی بیلن بیرگه، جمهور رییس غنی تیزلیکده قالگن 12 نفر هم آزاد ایتیلیشیدنسوز بیرگن ایدی.
اما، اوشبو خانه دانلرنینگ سلام وطندارگه ایتیشلریچه، قالگن 12 مسافر آزاد ایتیلمه گونگه قدر تحصندن قول کوتارمیدیلر.
اولرگه، اوغیرلنگنلر بارهسیده محلی حکومت نینگ خبری بارلیگی نی ادعا قیلگنلر.
آدم اوغیرلاووچیلر بندیده آته سی و ایناغه سی حیات کیچیره دیگن عبدالحسین نینگ سوزلریگه کوره، اوچ آیدن بیری حیاتلری تباه کیچه و کندوزلری معلوم ایمس.
او، دولتدن عایله اعضالری آزاد ایتیلیشی اوچون کوپراق سعی حرکت قیلیشنی سورهگن.
اوغیرلنگنلردن باشقه بیری سی نینگ آتهسی فرزندی آزاد ایتیلیشی اوچون دولت کوپراق سعی وحرکت قیلیشنی طلب قیلگن.
اما، جمهور رییس نینگ سوزلاووچیسی اجمل عابدی نینگ سلام وطندارگه ایتیشیچه، گروه ده قالگن 12 مسافر آزاد ایتیلیشی اوچون افغانستان حکومتی هر تامانلمه سعی حرکت آلیب بارماقده.
31 مسافر اوتگن ییل حوت آییده قندهار- کابل یولیده جایلشگن زابل ولایتی نینگ خاک افغان ولسواللیگیده نا معلوم قوراللی شخصلر تامانیدن اوغیرلنگن ایدی.
نهایتده اولرنینگ 19 کیشی سی ثور آیی نینگ 21-سیده آزاد ایتیلدی.
ترقه تیلگن گزارش لرده 19 مسافر عوضیده دولت حبس ده بولگن 20 اوزبیک فقراسینی آزاد قیلگن.
اما، جمهور رییس غنی اوشبو 19 کیشی آزاد ایتیلیشی اوچون هیچ قندهی معامله عملگه آشیریلمهگنلیگینی ایتگن.
