(UNICEF) یا بیرلشگن ملتلر تشکیلاتینینگ بالهلر صندوغی مملکتنینگ 55% اهالیسی قول یوویشده صابوندن ایش آلمسلیکلرینی معلوم قیلگن بیر چاغده افغانستانده «قول یوویش» خلق ارا کونی نشانلندی.
مذکور ادارهنینگ مسووللریگه کوره، سونگی مرته «آوقتلهنیش ملی تیکشرو» نامی آستیده اوتکزیلگن تیکشرو نتیجهسیده اوشبو حساباتنی قولگه کیریتگنلر.
بیرلشگن ملتلر تشکیلاتی کودکلر صندوغینینگ ساغلیق بولیمی مسوولی داکتر شیرین وارکینینگ سوزلریگه کوره، تورلی کسللیکلرنی آلدینی آلیش اوچون توالتگه بارگن دن کیین و آوقتلهنیش دن آلدین و آوقتلنگن سونگ بالهلر قولی صابون بیلن یوویلیشی لازم دیر.
هر ییل اکتوبر آیینینگ اون بیشینچیسی خلق ارا قول یوویش کونی افغانستان شامل دنیانینگ سکسن مملکتیده نشانلنهدی.
عین حالده، افغانستان معارف وزیرلیگی بعضی ملی و خلق ارا نا دولت ادارهلر همکارلیگی بیلن مذکور کوننی (5- عقرب، اکتوبر آیینینگ 27-سیده) نشانلهدی.
ساغلیق ملی مرکزینینگ باشلیغی بشیراحمد نورملنینگ مذکور ییغینده ایتیشیچه، ایریم حساباتلرگه قرهگنده دنیا بویلب چمهسی اوچ یوز مینگ گودک تنقسی و هضمی کسللیکلر سبب عالمدن اوتهدی. ایتیلیشیچه، افغانستانده بیش یاشدن کیچیک بالهلر اولیم میزانی هنوز هم یوقاری.
مملکت معارف وزیری اسدالله حنیف بلخی، قولنی صابون بیلن یوویش تورلی کسللیکلرنی آلدینی آلیب انسان عمری اوزاق بولیشیگه باعث بولهدی دیگن.
شونینگدیک مملکت ساغلیقنی سقلش وزیرلیگی مملکت بویلب «قول یوویش» کمپاینی اوتکزیلیشی بارهسیده خبر بیرماقده.
