اوتگن بیر هفته ایچیده قندوزده 7 کیشی سیر روشده اولدیریلگن. ولایت نینگ اهالیسی قندوزده سیر روشده اولدیریش و ترور حادثهسی آشگن لیگی باعث کیچه تاماندن کیشی کم دن اوییدن چیقهدی دیدیلر.
اوتگن کیچه بیر یاش ییگیت پولیس نینگ بیرینچی حوزهسی ساحهسیده اولدیریلگن و اوچ کیچه آلدین ایسه قوراللنگن اوچ نفر بیر اویگه کیریب آلیب یکی یاشنی اولدیرگن ایدی. بوندن آلدین هم پولیس نینگ ایکّی حربیسی قندوز شهری مرکزیده قتل قیلینگن.
قندوز ولایتی نینگ ولایت کینگشی اعضاسی غلام ربانی ربانی، ولایت نینگ امنیتی وضعیت جوده خواطرلی دیگن. اونینگ سوزلریگه کوره، حاضر قوراللی طالبلرنینگ موجودلیگی بارهسیده گی تشویش دن تشقری اهالی ناتیش قوراللی کیشلر کوپهیگن لیگیدن قورقوده لر.
اما، قندوز پولیس قوماندانی عبدالحمید حمیدی، ولایت ده مقصدلی ترور حادثهلرنی در قیلگن. قوماندان، بوندهی واقعهلر کوپراق اجتماعی و اقتصادی جنجللردن ایلدیز آلهدی دیگن.
شونینگدیک پولیس قوماندانی هنوزگچه تورلی حادثهلرگه عیبلب نیچه کیشی حبسگه آلینگن لیگینی تیلگه آلگن. قولگه آلینگنلر اوستیدن تیرگاو باشلنگن دیدی.
