طالبان گروهی تامانیدن ترقهتیلگن خبرنامهده کیلیشیچه، اوشبو گروه تامانیدن شیرمحمدعباس استانکزی ریاستیگه بولگن اون کیشیلیک بیر هیات مسکو ییغینیده اشتراک قیلیش اوچون روسیه بارهدی.
اوشبو خبرنامهده مسکو تینچلیک ییغینینینگ آجنداسی «افغانستان قضیهسی آچیق شکلده سیزیلیشی، توشونچهلرنی بیان قیلیش، کابل ادارهسیده بولمهگن تورلی گروهلر بیلن کیلشیش خصوصیده زمینه یرهتیلیشیدن» عبارت.
بو خبرنامهنی آخِریده طالبان گروهینینگ علاوه قیلیشیچه، «اسلامی امارت فرصتلردن توغری شکلده فایدهلنیب اوز شرعی و اصولی موقفینی تورلی تامانلرگه آشکار قیلیب و بو گروهنینگ افغانستان کیلهجگی و مملکتده دایمی تینچلیک تامینلنیشی اوچون اوروشگه نقطه قوییلیشی توغریسیده بولگن پالیسی و ریجهسینی آچیقلب بیان ایتهدی.
مسکو تینچلیک ییغینی ایرته یولگه قوییلیشی خصوصیده قرار قیلینگن.
طالبان گروهی مسکو تینچلیک ییغینیده اشتراک قیلیشیدن خبر بیرگن بیرچاغده، افغانستان تشقی ایشلر وزیرلیگی بو ییغین نتیجهسیزلیگینی بیلدیرگن.
گزارشلر اساسیده، مسکو تینچلیک ییغینی روسیهده حیات کیچیرهدیگن افغانستانلیکلر تامانیدن یولگه قوییلهدی.
شو توغریده…
