امنیتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، سمنگان ولایتی نینگ درهصوف پاین تومنیده ملی خوفسیزلیک مفرزه قطعهسی ایشلاوچیلریدن 5 تهسی طالبان گروهی قوشیلگن.
منبع نینگ ایتیشیچه، اوشبو 5 کیشی درهصوف پاین تومنیده ملی خوفسیزلیک مدیریتی نینگ ییقینیده بیر پوستهده جایلشگن ایکنلر، بیراق اوتگن کیچه 4 میل کلاشینکوف، 1 میل پیکا و بیر میل راکت بیلن طالبان گروهی قوشیلگن.
منبع نینگ کوپهیتیریشیچه، طالبان گروهگه تسلیم بولگن 5 کیشی بیر عایله نینگ اعضاسی ایکن و قطار قورالی اوغیرلاوچیلیککه قوللری بار ایکن.
درهصوف پاین تومنی نینگ ولسوالی عبدالیقین نینگ بو خبرنی تصدیقلب ایتیشیچه، امرالله باشقه 4 کیشی بیلن طالبان گروهیگه قوشیلگن.
اونینگ ایتیشیچه، ملی خوفسیزلیک کوچلری امرالله و قومندهسیگه بولگن باشقه کیشیلرنی قولگه آلیشگه قرار قیلگن ایدی، بیراق اولر امنیتی کوچلرنینگ عملیاتیدن آلدین طالبان گروهیگه قوشیلگن.
جناب احمدی نینگ سلاموطندارگه ایتیشیچه، طالبان جنگریلری اوتگن کیچه بیرقطار امنیتی پوستهلر اوستیگه هجوم قیلگن، بیراق امنیتی کوچلر تامانیدن کیینگه اوریلگن.
سمنگان ولایتی بوییچه ملی خوفسزلیک ریاستی باشلیغی سید امیرشاه سادات نینگ ایتیشیچه، طالبان گروهیگه تسلیم بولگن کیشیلرنی اوشبو اداره بیلن رابطهسی یوق ایکن.
طالبان سوزلاوچیسی ذبیحالله مجاهد مذکور 5 کیشینی بیرقطار قورال و اوق بیلن طالبان گروهیگه تسلیم بولگنینی تصدیقلگن.
