پکتیا ولایتیده سیلاولر ایرکین کمیسیونی رسمیلرینینگ ایتیشیچه، آواز بیرووچیلرنینگ رویخطگه آلیش جریانینی ایکینچی دوریده آواز بیرووچیلرنینگ رویخطگه آلیش 19 مرکز یاپیق قالگن و بو مرکزلردن کوپینچهسی زرمت تومنیده بولگن.
پکتیا ولایتیده سیلاولر ایرکین کمیسیونینینگ معلومات بیریش مسؤولی شیرعلی فیضینینگ سلاموطندارگه ایتیشیچه، ناتینچ بولگن حالده هم حاضرگچه 120 مینگ کیشی سیلاولر اوچون رویخطگه آلینگن. جناب فیضی گه کوره، یاپیق قالگن مرکزلرنی قیتهدن آچیش اوچون امنیتی رسمیلر همکارلیگیده سعی و حرکت قیلینهدی.
پکتیا ولایتینینگ یشاوچیلریدن بیرقطاری اوشبو ولایتده ناتینچلیکلر بولگنی دن تنقیدلب ایتیشیچه، آیدین کونلرده جنایی جرملر یوز بیرهدی، بیراق امنیتی رسمیلر بو توغریده جیم تورگن.
پکتیا ولایتینینگ سابق ولایت کینگشی اعضاسی گلزار زازینینگ ایتیشیچه، امنیتی رسمیلرنینگ دقت سیزلیگی باعث، آواز بیرووچیلرنینگ رویخطگه آلیش ایکینچی دور جریانیده کوپینچه مرکز یاپیق قالگن.
جناب زازی گه کوره، وضعیت بوندهی دوام قیلگن صورتده، آواز بیرووچیلرنینگ رویخطگه آلیش اوچینچی دوریده یاپیق قالگن آواز بیرووچیلرنینگ رویخطگه آلیش مرکزلر میزانی آشیشی ممکن.
پکتیا پولیس قومندالیگینینگ خوفسیزلیک آمری نثاراحمد عبدالرحیمزینینگ ایتیشیچه، پکتیا ولایتینینگ ایریم منطقهلرینی خوفسیزلیگینی تأمینلش اوچون سعی و حرکت قیلهدیلر.
آواز بیرووچیلرنینگ رویخطگه آلیش اوچینچی دوری اوزاق تومنلر و قیشلاقلرده حاضرگچه باشلنمهگن، بیراق ناتینچلیکلر سبب، سیلاولرگه اهالی اشتراکی توغریسیده خواطرلر تاپیلگن.
