.jpg)
تخار ولایتینینگ بنگی تومنی یشاوچیلری، ناقانونی قوراللی کیشیلر قولگه آلینیشلرینی سورهیدیلر. ایکی هفتهدن بویان توپلنگن اعتراضچیلرنینگ ایتیشیچه، ناقانونی قوراللی کیشیلر نمایندهلر کینگشیدهگی خلق نمایندهلری عبدالواحد فقیرزاده و قدرتالله ذکی تامانیدن حمایت بولهدیلر و بو کیشیلر قولگه آلینیشی توغریسیده حکومت سوز بیرگن ایدی، بیراق عملگه آشیریلمهگن.
اعتراضچیلرنینگ ایتیشیچه، قوراللی کیشیلر تورلی بهانه بیلن اهالیدن باج آلهدیلر و اهالی بالهلری اولردن قورقیب مکتب باره آلمهیدیلر. بنگی یشاوچیلری، ناقانونی قوراللی کیشیلر قولگه آلینیشی خصوصیده، محلی حکومتنی کوچسیزلیککه عیبلب ایتیشیچه، اوشبو کیشیلر محلی حکومت تامانیدن حمایت بولهدیلر.
.jpg)
تخار حاکمینینگ سوزلاوچیسی سنتالله تیمور، ناقانونی قوراللی کیشیلر قولگه آلینیشی توغریسیده، محلی حکومت کوچسیزلیگینی تَن آلهدی. او، خاص بیر نماینده دن آت توتمهیدی، بیراق ایتیشیچه، بنگی تومنینینگ ناتینچلیگیده نمایندهلر کینگشی اعضالریدن بیرینینگ توغریدن توغری قولی بار.
نمایندهلر کینگشیده تخار اهالیسینینگ نمایندهسی قدرتالله ذکی، ناقانونی قوراللی کیشیلردن حمایت قیلیش ادعاسینی رد قیلیب ایتیشیچه، بنگی یشاوچیلرینینگ قیینچیلیکلریگه ییچیم یول تاپیش اوچون شو کونلر تخار بارگن.
بو توغریده نمایندهلر کینگشیده تخار اهالیسینینگ نمایندهسی عبدالواحد فقیرزادهنینگ فکرینی اورگنه آلمهدیک.
عین حالده، اعتراضچیلرنینگ آگاهلنتیریشیچه، مذکور تومننی خوفسیزلیگی تأمین ایتیلمهگن صورتده، سیلاولرده آواز بیرمهیدیلر.
