طالبان گروهی نینگ زمانهوی و لایزرلی قوراللر بیلن جهازلنگن قیزیل قطعه جنگریلری، چهارشنبهدن پنجشنبه گه اوتر کیچه یریمیده اشکمس تومنی نینگ خواجه «بند کشا» منطقهسیدهگی نظمعامه کوچلری نینگ بیزی و قره تپه منطقهسیده پولیس پوستهلریدن بیرینی اوستیگه هجوم قیلیب و خوفسیزلیک کوچلری نینگ ایکه پوستهسینی نیچه ساعت نظارت گه آلگن.
آتی فاش ایتیلیشینی ایستمهگن امنیتی بیر منبع نینگ سلاموطندارگه ایتیشیچه، طالبان گروهی نینگ بو هجومیده نظمعامه کوچلریدن 24 تهسی و پولیس عسکرلریدن 13 تهسی هلاک ایتیلیب و باشقه 8 تهسی یرهلنگن.
شونینگدیک، پوسته عسکرلریدن بیری، قربان بولگنلرنینگ رقمینی 37 کیشی دیگن.
بیراق، تخار حاکمی سوزلاوچیسی جواد هجری نینگ ایتیشیچه، بو هجومده تینچ اهالی شامل 18 کیشی هلاک ایتیلگن.
تخار ولایتی نینگ اشکمش تومنیدن آتی سِر قالیشینی ایستهگن بیر منبع نینگ ایتیشیچه، طالبان گروهی امنیتی کوچلرنینگ پوستهلریده بولگن بوتون حربی جهاز و مهمات نی اوزلری بیلن آلیب کیتگن و امنیتی کوچلرنینگ بیر هاموی تانکی نی اوت بیرگن.
عین حالده، تخار محلی حکومتی نینگ ایتیشیچه، حاضر اشکمش تومنی اوچون هیچ بیر امنیتی تهدید یوق دیر، بیراق اشکمش تومنی ولسوالی قیوم قانع نینگ سلاموطندارگه ایتیشیچه، طالبان گروهی نینگ قیزیل قطعهسی مذکور تومنده جایلشگن و تیزلیککه امنیتی کوچلر تامانیدن تازهلش عملیات یولگه قوییلمهگن صورتده، طالبان گروهی تومن مرکزی اوستیگه هجوم قیلیشی ممکن.
شونینگدیک، تخار ولایت کینگشی باشلیغی وفیالله رحمانی، میدیالردن بیرقطاری گه صحبتیده، هلاک ایتیلگن امنیتی کوچلرنینگ رقمی نی 37 کیشی دیب و اورغولشیچه، بو واقعه خوفسیزلیک مسؤوللری نینگ دقت سیزلیگی باعث، یوز بیرگن.
