مجلس بیرینچی اورین باسری ظاهر قدیرنینگ ایتیشیچه، حکومت بیلن داعش گروهی علاقهسی خصوصیده بولگن حجتنی نشر قیلسم، حکومت سقوط ایتیشی ممکن.
جناب قدیر بوگون (چهارشنبه) مجلس عمومی ییغینیده، سوز یوریتیب ایتیشیچه، قولیدهگی حجتنی مناسب زمانده ارایه ایتهدی. اونگه کوره، مملکت سیاسی و اقتصادی وضعیتیگه قره گنده، حاضر مذکور حجتنی نشر ایتیلیشی مناسب ایمس دیر.
دوشنبه کون (2- قوس) مجلس بیرینچی اورین باسرینینگ ایتیشیچه، ملی امنیت کینگشی و برچه امنیتی رسمیلر داعش گروهیدن حمایه قیلهدی و داعش گروهینینگ توتقونگه آلینگن اعضالری اولرنی بویروغی بیلن قوییب یوباریلهدی. اونگه کوره، داعش گروهی باشلیغلری پایتختده حیات کیچیرهدی و دولت بلند مرتبهلی رسمیلری بیلن اوچرهشیب و بحث اوتکزهدی.
جناب قدیرنینگ، بیاناتلریدن تورت کون کیین، افغانستان جمهورلیک ریاستینینگ معلوم قیلیشیچه، حکومت تامانیدن تروریستی گروهلر حمایه ایتیلیشی خصوصیده، نمایندهلر کینگشی بیرینچی اورین باسرینینگ ادعالرینی تیکشیریش اوچون هیأت تعیین قیلگن.
شونینگدیک، جمهورلیک ریاستینینگ حرکتیگه قرشی جناب قدیرنینگ ایتیشیچه، حکومت بو خصوصده حق دار ایمس دیر؛ بیراق حقیقت تاپیلیشینی ایستهگن صورتده، دستلب ملی امنیت کینگشی مصلحتچیسی حنیف اتمرنینگ وظیفهسینی توختهتیب و اوندن کیین، هیأت اعضاسینی اوچ قوهدن سیلهشی کیرهک.
شونینگدیک 101- مادهسیگه کیلیشیچه، پارلمان نمایندهلریدن هیچ بیری وظیفهسی جریانیده بیرگن بیاناتلری خصوصیده، عدلی و قضایی ادارهلر تامانیدن تیکشیریلمهیدی.
انه شوندهی، مجلس اعضالریدن بیرقطاری، ظاهر قدیرنینگ بیاناتلریگه قرشیلیک کورستدی. قرشیلیکلرگه قوشیمچه، مجلس باشلیغی عبدالرؤوف ابراهیمی، ظاهر قدیردن اوز بیاناتلرینی اثباتلش اوچون، مجلسگه ییترلیچه حجت ارایه ایتیشینی سورهدی. عین حالده مجلس باشلیغی، عمومی ییغینده، جناب قدیرنینگ ارایه ایتگن بیاناتلری و حجتلری تیکشیریلیشی خصوصیده، کمیسیون تشکیل ایتیلیشینی تیلگه آلدی.
شونینگدیک جناب قدیرنینگ، بوگونکی ییغینده ایتیشیچه، ننگرهار ولایتی شینواری خلقی بوگون رسمی شکلده داعشگه قرشی توختهگنلر. قدیرگه کوره، خلق حرکتی نتیجهسیده، مذکور منطقه خوفسیزلیک وضعیتی 80 فایز یخشی بولگن ایدی.
مجلس بیرینچی اورین باسرینینگ ایتیشیچه، شینواری خلقی حکومتدن افغانستاننی باشقه منطقهلری دیک، اولرنی جهازلشینی سورهگن.
حکومت جناب قدیرنینگ، شینواریده ملیشه توزهتیشگه عیبلهگن؛ بیراق اونینگ ایتیشیچه، هیچ قچان ملیشه توزهتیشنی ایستمهگن.
