ننگرهار محلی رسمیلرینینگ ایتیشیچه، بوگون توشدن سونگ، مذکور ولایتنینگ خوگیانی تومنیده میثاق شهروندی دفتریده پارتلش یوز بیرگن و بو پارتلش نتیجهسیده مذکور دفترنینگ 2 ایشلاوچیسی هلاک و باشقه 7 تهسی یرهلنگن.
ننگرهار حاکمی سوزلاوچیسی عطاالله خوگیانینینگ ایتیشیچه، بو پارتلش بیر ییغین جریانیده یوز بیرگن. اونگه کوره، اوشبو پارتلشده میثاق شهروندی دفترینی باشلیغی انجنیر عبدالحمید باشقه 4 عیال بیلن یرهلنگن.
خوگیانینینگ کوپهیتیریشیچه، اوشبو پارتلش منطقهده ییرلشتیریلگن ماین نتیجهسیده یوز بیرگن.
سلاموطندارگه صحبت بیرگن ننگرهار عامهوی کسلخانهسی باشلیغی نجیبالله کامهوالنینگ ایتیشیچه، اوشبو واقعه قربانلری 2 جسد و 7 یرهدار بو کسلخانه گه آلیب کیلینگن.
یوز بیرگن هجوم مسؤولیتینی حاضرگچه هیچ بیر گروه یا-ده شخص بوینیگه آلمهگن.
