سونگی کونلرده سمنگان ولایتی دره صوف پایین تومنینینگ امنیتی وضعیتی خواطرلنترووچی بولیب و گاهگاهی اوشبو تومنده امنیتی کوچلر و طالبان جنگریلری آرهسیده آتیشمه یوز بیرهدی.
سمنگان ولایتی کینگش اورین باسری محمدهاشم سرورینینگ سلاموطندارگه ایتیشیچه، امنیتی و محلی مسووللر آرهسیده هماهنگلیک بولمهگنی، طالبان گروهی ناتینچلیک کینگهییشیگه سبب بولگن.
سمنگان مدنی فعاللریدن بیری وفیالله شاهرخ نینگ ایتیشیچه، بو توغریده مرکزی حکومت دقت قیلمهگن صورتده، مذکور تومن قطار قیشلاقلرینینگ طالبلر نظارتیگه اوتیشی ممکن.
عینحالده، سمنگان پولیس قومندانی محمدجان دریاب نینگ بو ادعالرنی رد قیلیب ایتیشیچه، اوتگن هفته حضرت سلطان تومنیده قوشمه بیر عملیات یولگه قوییلیب نتیجهده طالبان جنگریلریدن 20 تهسی قولگه آلینگن.
نیچه مدتدن بویان سمنگان ولایتینینگ دره صوف پایین، روی دوآب و حضرت سلطان تومنلریده طالبان گروهینینگ فعالیتی کوپهیگن. سمنگان ولایتی کینگش اعضالری نینگ آگاهلنتیریشیچه، دره صوف پایین تومنیده کمکی کوچ یوباریلمهگن حالده، اوشبو تومننی طالبلر قولیگه سقوط قیلیشی ممکن.
شوتوغریده…
