افغانستان برقرارلیگینی سقلاووچی کینگش طلوع تلویزیونینینگ ملازملری طالبلر تامانیدن هجوم آستیگه آلینیشی افغانستان، پاکستان، چین و امریکه ارا تورت تامانلمه ییغین اوچون جواب دیگنلر.
اوتگن کون کیچده طلوع تلویزیونی ترماغینینگ موتری کابل شهریده قوراللی طالب تامانیدن تربیهلنگن انتحارچی تامانیدن هجوم گه آلیندی. مذکور هجومده اوشبو تلویزیوننینگ آلتی خادمی قوشیمچه 27 انسان آغیر و یینگیل یرهلندی.
قوراللی طالبلر اوتگن کون عملگه آشیریلگن هجومنی طلوع تلویزیونی همده باشقه رسانهلر اوچون ییریک جزا دیگن. طالبلرنینگ اوشبو هجومی اهالی، مدنی جماعهچیلیک، حکومت و دنیا جماعهچیلیگی تامانیدن جدی عکس العملگه دوچار بولدی.
افغانستان برقرارلیگینی سقلاووچی کینگش سوزلاوچیسی مسعود ترشتوال بوگون (پنجشبنه) کابلده اوتکزیلگن خبری انجمنده مذکور حادثهنی قارهلب خبرچیلریگه ایتیشیچه، بو هجوم افغانستان، پاکستان، چین و امریکه ارا تورت تامانلمه ییغین دن اوچ کون اوتگن د سونگ صادر ایتیلدی. اونگه کوره، بو تینچلیک مذاکرهسی اوچون بیر جواب دیر.
افغانستانده تینچلیک اورنهتیش مذاکرهسی نینگ بیرینچی ییغینی بوندن ایکی هفته آلدین پاکستان، چین، افغانستان و امریکه دولت لری ارا اسلام آباده اوتکزیلگن ایدی. ایتیلیشیچه، تینچلیک مذاکرهسینینگ اوچینچی دوری ینه اسلام آبادده اوتکزیلیشی کوتیلهدی.
جناب ترشتوالگه کوره، سوز ایرکین لیگی افغانستان حکومتینینگ اون تورت ییل جریانیده قولگه کیریتگن ییریک یوتوغی سنهلهدی. شونینگ دیک او مملکت ده عاموی اخبارات واسطهلری فعالیتنی تقدیرلهگن.
عین حالده، افغانستان برقرارلیگینی سقلاووچی کینگش سوزلاووچیسی حکومت عاموی اخبارات واسطهلری خبرچیلری جانی سقلهنیشینی هیج زمان ایسدن چیقارمسلیگینی سورهگن.
