ننگرهار محلی مسئوللری نینگ ایتیشلریچه، بو ولایتده بیر یشش اوی گه هاوان اصابت قیلگن کیم نتیجهده، ۶ تینچاهالی هلاک بولگن.
اوشبو حادثه اوتگن کون (یکشنبه ۱۶- سنبله) مذکور ولایت شیرزاد تومنی نینگ «کدیخیل» قیشلاغیده یوزبیرگن.
ننگرهار ولایتیدن بیر منبع کیملیگی سیر قالیشی نی ایستهب سلاموطندارگه ایتیشیچه، مذکور هاوان اردو کوچلری تامانیدن آتیلگن. منبع گه کوره، بو حادثهده بیر عیال و ۵ باله هلاک و باشقه ۴ باله ایسه یرهلنگن.
بیراق ننگرهار حاکمی سوزلاوچیسی عطاالله خوگیانی نینگ ایتیشیچه، امنیتی کوچلر و طالبان گروهی آرهسیده یوزبیرگن آتیشمهده، بو هاوان طالبان تامانیدن آتیلگن و بیر یشش اوی گه اصابت قیلگن.
جناب خوگیانی بیر هاوان اصابتی باعث بیر عیال و ۵ باله هلاک و شونینگدیک باشقه ۴ باله یرهلنگنی نی تصدیقلهیدی.
ننگرهار حاکمی سوزلاوچیسی نینگ کوپهیتیریشیچه، کدی خیل منطقهسی طالبان گروهی نینگ نظارتی گه دیر.
ننگرهار امنیتی رسمیلری و طالبان حاضرگچه بو حقده فکر بیلدیرمهگن.
