فاریاب ولایتیده مردمی کوچلرنینگ قومندانلری، اولرگه حکومت یاردم بیرمهسیدن شکایت قیلهدیلر.
فاریاب ولایتیده مذکور قومندانلردن بیری عبدالمنان قاطع نینگ ایتیشیچه، او قولی گه قورال آلگنیدن بویان کوچلریدن 100 دن آرتیق کیشی دولتدن حمایت قیلیش اوروشده هلاک ایتیلگن؛ بیراق حکومت اونگه یاردم بیرمهگن.
حکومتنینگ دقتسیزلیگیدن شکایت قیلیش یالغیز مردمی کوچلرنینگ قومندانلریگه خلاصه بولمهیدی.
شونینگدیک، فاریاب ولایت کینگشی اعضاسی صبغتالله سیلاب نینگ ایتیشیچه، حکومتدن حمایت قیلیب و دولتگه قرشی قوراللی عصیانچیلرنی نابود قیلیش اوچون جانلرینی اورته گه قویگن قومندانلر، هردایم دولت تامانیدن مهرسیزلیککه روپهره بولهدی.
بیراق، سلاموطندارگه صحبت بیرگن فاریاب پولیس قومندانلیگی سوزلاوچیسی کریم یورش، بو ادعالرنی رد قیلیب ایتیشیچه، مردمی کوچلر مملکت امنیتی کوچلرینینگ قولی دیر و فاریاب ولایتیده مذکور کوچلردن 2500 دن آرتیق کیشی گه حکومت هر آی یاردم بیرهدی.
شمالده بولگن مردمی کوچلر مملکت شمالی ولایتلریده ناتینچلیک کینگهیگنی باعث، ایجاد ایتیلدی و طالبلرگه قرشی اوروشده ایجابی نتیجه بیرگن؛ بیراق اوشبو کوچلردن بولهدیگن تنقیدلر میزانی آز ایمس دیر. مردمی کوچلر هردایم تینچ اهالینی اولدیریش، اهالینی قیناققه سالیش، تاولانچیلیک و مخدره ماده قاچاقی گه قولی بارلیککه عیبلنیب کیلگن.
