بوگون «جمعه» ایرتهلب قوراللی طالبلر، قندوز ولایتینینگ قلعهزال تومنی بازاری و شونینگدیک قندوز-تخار قتناو یولی اوستیگه هجوم قیلگنلر و آتیشمه حاضرگچه دوام ایتماقده.
قندوز ولایت کینگشی اعضاسی اسدالله ساداتنینگ سلاموطندارگه ایتیشیچه، قوراللی طالبلر کیچه قلعهزال تومنینینگ مرکزی آقتپه قیشلاقلریگه کیرگن و ایرتهلب ساعت 4 ده امنیتی پوستهلرنی اوستیگه هجوم قیلگنلر. اونینگ ایتیشیچه، حاضر امنیتی کوچلر و طالبلرنی آرهسیده جدی آتیشمه دوام ایتماقده.
جناب ساداتگه کوره، حربی کوچلرنینگ تیک اوچرلری، امنیتی کوچلرنی هوا دن حمایه قیلهدی، بیراق آگاهلنتیریشیچه، عصرگهقدر یاردمچی کوچ یوباریلمهگن صورتده، امنیتی کوچلر جانلرینی قولدن بیرهدی.
قندوز ولایت کینگشینینگ اوشبو اعضاسینی کوپهیتیریشیچه، مذکور تومننینگ ولسواللیک و قومندانلیک بنالری بازاردن تشقریده بولگن و طالبلر تومن بازاریدهگی پوستهلرنی نظارتگه آلگنده، اداری واحدلرنی اوستیگه هجوم قیلیشی ممکن.
مملکت شمالشرق پولیسی سوزلاوچیسی محفوظالله اکبرینینگ ایتیشیچه، اوشبو تومنده وضعیتنی نظارتگه آلگنلر و تومن اطرافیده تاق-تاق آتیشمه دوام ایتماقده.
اونینگ ایتیشیچه، بوگون ایرتهلب ساعت 5 اطرافیده، قوراللی طالبلر نیچه تامانیدن قندوز-تخار قتناو یولیدهگی امنیتی پوستهلرنی اوستیگه هجوم قیلگنلر و حاضر مذکور قتناو یول ترافیک یوزیگه توسیلگن.
جناب اکبری، بو واقعهدن چیققن تلفات توغریسیده رقم بیرمهیدی، بیراق قوراللی طالبلر تامانیدن ترقهتیلگن خبرنامهده ایتیلیشیچه، اولر امنیتی کوچلرنینگ بیر رنجری و بیر هاموی تانکینی نشانگه آلگن و نتیجهده 8 امنیتی عسکر هلاک ایتیلگن.
