ارزگان ولایتی ساغلیقنی سقلش رییسی خان آغا میاخیل (آی اس آی) یا پاکستان استخبارات ادارهسی بیلن همکارلیک همده اخلاقی فسادگه عیبلهنیب ملی کوچلر تامانیدن اوشلندی. او مذکور ادارهگه پاکستان جاسوسلیک ادارهسیگه تیگیشلی کیشیلرنی ایشگه آلگنلیکده هم عیبلهنیب شونینگدیک ترورچیلرنی جهازلشده هم قولی بارلیگی ایتیلهدی.
ارزگان ولایت عالی محکمهسینینگ رییسی مولوی محمدجان نینگ سلاموطندارگه ایتیشیچه، بوندن نیچه وقت آلدین ساغلیقنی سقلش ادارهسی رییسی فرمانیده اساسیده AHDS ناملی اداره اویی یقینیده فعالیتگه باشلهگن. شفاخانه رییسی نظر آستیده ایشگه باشلهگن اوشبو موسسه نیچه وقت قشاق و کمبغللرگه ییگولیک آذیق آوقت ترقتگن. عالی محکمه رییسی، شفاخانه ادارهسی رییسی نظرده آستیده فعالیت قیلیشی ایریم شک شبههلرنی توغدیرگن. اونگه کوره، تیکشیروودن سونگ مذکور موسسه ترورچیلرنی تربیهلاووچی مرکز بولگنی انیق لنگن.
جناب محمدجانگه کوره، نیچه مرته اوشبو موسسه فعالیتی توختهتیلیشینی سورهگن، اما هیچ بیر زمان اوشبو اداره ملی کوچلر طرفیدن ایشیگی یاپیلمهگن. محمدجان، اوشبو ادارهده اوزی ترور قیلینیشی اوچون هم پلان آلینگن ایکنلیگینی ایتگن.
ارزگان ولایتی کینگش رییسی عبدالکریم خادمزینینگ مساله توغریسیده سلاموطندارگه ایتیشیچه، جناب میاخیل قولگه آلینمسدن بیر کون آلدین ولایت کینگشیگه چقیریلیب تحقیق قیلینگن.
بو اظهاراتلرنی رد قیلگن خانآغا میاخیل نینگ سوزلریگه کوره، AHDSموسسهسی فقط کمبغل و قشاق خانهدانلرگه ییگولیک آذیق آوقت ترقهتیب بیرگن. جناب میاخیل، مذکور ادارهنینگ فعالیتی ساغلیقنی سقلش ریاستی بیلن هیچ علاقهسی بولمهگن دیگن.
اوشبو جنجاللردن سونگ هنوزگچه هم ارزگان ساغلیقنی سقلش رییسی، قیسی صلاحتی بیلن عالی محکمه رییسیگه بو موسسه فعالیتی توختهتیلیشی اوچون فرمان بیرگنی بارهسیدهگی سوال جواب سیز قالگن؟
