بغلان ولایتینینگ دندغوری منطقهسیدهگی اوروش رهبری محمد امان مبین نینگ ایتیشیچه، مذکور منطقهده 18 کون دوامیده طالبلرنینگ 150 نفری اولدیرلگن و 120 دهسی ایسه یره دار ایتیلگن.
بوگون (شنبه) بغلان ولایتیده بیر خبری ییغینده سوزلهگن جناب مبین، اوروشده طالبلرنینگ اوچ تانیقلی قوماندانی هم اولدیرگن دیگن.
شونینگدیک اولدیریلگن طالبلر ایچیده پاکستان همده چیچین فقراسی هم بولگن.
طالبلرگه قرشی «خورشید 20» ناملی عملیات بغلان ولایتینینگ دندغوری منطقهسیده بوندن 18 کون آلدین باشلنگن ایدی. جنگری طالبلر بوندن 18 کون آلدین اوزبیکستاندن کابلگه کیله دیگن برق پایهلریدن نیچه تهسینی اوریب ییقیتگن.
ایتیلیشیچه، حاضر افغان ملی کوچلری منقطقهدن قوراللی طالبلرنی هیدهب چیقاریشگه موفق بولگن.
شونینگدیک قوماندان مبین، دندشهابالدینده هم اوروش بوگوندن باشلنگن دیگن. اونگه کوره، کیلگوسی نیچه کونده کابلنینگ برقی قیتهدن باغلنهدی.
بغلان ولایتیده ملی کوچلرینی رهبرلیک قیله دیگن قوماندان، دندغوری منطقهسی قوراللی طالبلردن بوتونلی تازهلنگونگه قدر دوام ایتیشی بارهسیده تاکیدلهگن.
هلمندده 40 جنگری اولدیریلگن.
هلمند ولایتی امنیه قوماندانی عبدالرحمن سرجنگ نینگ سلاموطندارگه ایتیشیچه، اوتگن کیچه (جمعه) افغان ملی کوچلری تامانیدن ییر و هوا دن اوتکزیلگن عملیات عاقبیتیده جنگری طالبلرنینگ 40 کیشیسی اولدیریلگن.
بو خبرلرنی رد قیلگن قوراللی طالبلر، اوتگن کیچهدن بیری ملی کوچلرنینگ نیچه پوستهسیگه هجوم قیلیب، افغان حربیلریدن بیرقنچهسی اولدیریلگن لیگینی ادعا قیلگنلر.
