 - Copy 1.jpg)
بوگون «سهشنبه، 9 دلو» ناتو تشکیلاتینینگ اعلان قیلیشیچه، «افغانستانده ضرورتدن آرتیق قالمهیدیلر.»
ناتو تشکیلاتی بیر توییت آرقهلی ترقهتگن اعلامیهسیده ایتیشیچه، «بیزلر افغانستانده لازم بولگن زماندن آرتیق قالمهیمیز، بیراق افغانستاندن چیقیشیمیز زمان اساسیده اجرا ایتیلهدی و بو جریانده قولگه کیریتگن یوتوقلریمیز و مقصدلریمیز خطرگه روپهره بولمهی و افغانستان عصیانچیلر اوچون تینچ اوی گه اوزگرمهسی کیرهک.»
عین حالده، بوگون ایتالیا مدافعه منبعینینگ اعلان قیلیشیچه، اوشبو مملکتنینگ مدافعه وزیرلیگی کیلهجک بیر ییلگچه افغانستاندن چیقیش برنامهلری تیکشیریلیشی خصوصیده، بویروغ بیرگن.
افغانستانده تینچلیک تأمینلنیشی خصوصیده، آمریکا و طالبان گروهی کیلیشگنی توغریسیده گزارشلر ترقهتیلگنیدن سونگ، ایتالیا حربی کوچلری افغانستاندن چیقیشی توغریسیده قرار قیلگن.
اوتگن کون «دوشنبه» افغانستان تینچلیک سوزلشوولری بوییچه آمریکانینگ خاص نمایندهسی زلمی خلیلزاد، طالبلر بیلن اوتکزیلگن تینچلیک سوزلشوولریده دقت چیکهدیگن یوتوقلر بولگنیدن خبر بیریب و ایتیشیچه، «افغانستانلیکلر آرهلریده بولگن سیاسی قرهمه قرشیلیکلریدن وازکیچیب و بو فرصتدن فایدهلنیشلری کیرهک.
میدیالردن بیرقطارینینگ مسؤوللری بیلن صحبت اوتکزگن جناب خلیلزادنینگ کوپهیتیریشیچه، دوحه ییغینی افغانستانلیکلرگه یخشی بیر فرصت بیرگن، «بو فرصتدن فایدهلنیش کیرهک. بیزلر کیلهجک مصیبتلر آلدی آلینیشی و 40 ییللیک اوروش گه نقطه قوییش اوچون یخشی فرصت گه ایگه بولدیک؛ مین برچهدن بو توغریده حرکت کورسهتیشینی ایستهیمن و مین بوندهی بولیشیگه امید قیلهمن.»
بو ییغینده اونینگ ایتیشیچه، طالبلرنی افغانستان حکومتی بیلن مذاکره قیلیشگه آلقیشلگن و اونینگ سیاستی افغانستانلیکلرنینگ آرهسیده بیر مذاکره تشکیل ایتیش دیر. زلمی خلیلزادنینگ اورغولشیچه، افغانلرنینگ تینچلیک کلیدی اوزلرینینگ قولیده بولگن.
اونینگ کوپهیتیریشیچه، افغانستانلیکلرنی تینچلیک سوزلشوولریده اشتراک قیلمهیشلری ناتوغری حرکت دیر. خلیلزادگه کوره، افغانستان خوفسیزلیک و ثباتی خصوصیده امریکا خواطر بیلدیرهدی و هرتامانلمه آتیشکیسین گه قول تاپیش اوچون سعی و حرکت قیلهدیلر. افغانستان تینچلیک سوزلشوولری بوییجه امریکانینگ خاص نمایندهسی، طالبلر بیلن موقت حکومتی قوریلیشی خصوصیده صحبت قیلگنینی رد قیلگن.
قطرنینگ دوحه شهریده امریکا و طالبلر نمایندهلری آرهسیدهگی سوزلشوولر 6 کون دوام تاپگن. اوشبو ییغین توغریسیده زلمی خلیلزادنینگ ایتیشیچه، طالبلر بیلن یالغیز آتیشکیسین و چیتیللیک کوچلرنینگ افغانستاندن چیقیشی خصوصیده صحبت قیلینگن، بیراق بو توغریده کیلیشیلمهگن.
جمهور رییس غنی سوزلشوولرنی افغانستانلیکلر آرهسیده باشلهنیشی اوچون امریکانینگ سعی و حرکتیدن منتدارلیک بیلدیرگن.
