بوگون "دوشنبه" نمایندهلر کینگشی نینگ عمومی ییغینیده اوشبو کینگش اعضالری امنیتی میثاق ریجهسیدن تنقید قیلگنلر.
نمایندهلر کینگشی اعضالریدن بیرقطارنینگ ایتیشلریچه، امنیتی میثاق، امنیتی وضعیت یمان بولیشی و جنایتلر کوپهیشیگه سبب بولگن.
اولرنینگ ایتیشلریچه، امنیتی میثاق نینگ عملگه آشیریلیشی بحران یرهتگن و بیرقطار کیشیلر شخصی منفعتلری اوچون ملیشه توزتماقده.
نمایندهلر کینگشی اعضالری نینگ ایتیشلریچه، حکومت امنیتی کوچلرگه ایشانمهیدی.
عینحالده، نمایندهلر کینگشی باشلیغی میر رحمان رحمانی نینگ ایتیشیچه، حکومت ملیشه توزهتیش و ناقانونی کیشیلرگه قورال بیریشی اورنیده امنیتی نهادلرنی حمایت قیلیشی کیرهک.
جناب رحمانی نینگ ایتیشیچه، امنیتی میثاق ریجهسی رضاکارلریدن بیرقطاری، چیتایللیک مملکتلرنینگ استخباراتلریگه تیگیشلی دیر و مذکور استخباراتلر تامانیدن حمایت قیلینهدی.
بیراق، بوگون "دوشنبه" جمهورلیک ریاستی سوزلاوچیسی صدیق صدیقی نینگ خبری بیر ییغینده ایتیشیچه، امنیتی میثاق ریجهسی، مردم و امنیتی کوچلر یاردمی بیلن امنیتی وضعیت یخشیلنیشی اوچون قولگه آلینگن. جناب صدیقیگه کوره، نمایندهلر کینگشی مجریه و مقننه قوه آرهسیده جنجل کیلتیریشنی ایستهیدی.
امنیتی میثاق کمیده ایکی آی آلدین « امنیتی میثاق و جنایتگه قرشی کورهشیش اوچون اهالینی بسیج» قیلیش عنوانیده مدنی نهادلر، امنیتی و مردمی کوچلر یاردمی بیلن قوریلگن.
