جمهور رییس اشرف غنی گه کوره، طالبلرنی باش کیسیشی بیلن حکومت سقوط قیلمیدی. جناب غنی اوشبو سوزلرنی شنبه کونی 29- حملده بدخشان باریب، اوتگن هفته طالبلر تامانیدن امنیتی کوچلر رحمسیزلیک بیلن اولدیریلگنلیگیگه قرشی بیان قیلگن.
جناب غنی بدخشان خلقیگه جاری امنیت و محلی اداری وضعیتی یخشیلنیشی اوچون وعده بیرگن.
جناب غنی ایتیشیچه، بدخشاننی کیلهجکده، شرقی، جنوبی و مرکزی آسیا بیلن قوشیش کوپریک بولیشینی ایسته یدی، اما قورالی عصیانچیلر ایسه مذکور منطقهنی بینالمللی تروریزیم اویهسی توزهتیش اوچون کورشهدیلر.
بیر هفته آلدین بدخشان جرم تومنی دهگی نیچه امنیتی پوستهلر اوستیگه قورالی هجوم ایلتیش نتیجهسیده 58 کیشی اردو کوچلریدن هلاک بولدی. طالبلر بولردن 28 ته سینی رحمسیزلیک بیلن سویدی.
جمهور رییس غنی نینگ کوپه یتیریشیچه، بدخشان ناتینچلیگی اوچون ایریم عامللر موجود. اونگه کوره، طبعی منبعلر اوچون مسؤول سیز قورالیلر، محلی عصیانچیلر و بینالمللی تروریستلر بدخشان امنیتینی بوزیشگه قول اورهدی.
جمهور رییس غنیگه کوره، حاضرگی افغانستان آلدینگی حکومتدن قالگن میراث ایکن و اولکه امنیتی وضعیتی نی یخشیلش اوچون جدی تلاش قیلیش کیرهک.
جمهور رییس نینگ ایتیشیچه، بدخشان محلی ادارهسی ناکام ایکن و مذکور اداره اصلاح ایتیش اوچون مرکزی دولت تیزلیکده تصمیم آلیشی ممکن.
ینه بیرتماندن بدخشان کانلری جملهدن بو ولایت ثروتی بولگن لاجورد، مذکور کانلر سبب بولگن تا سونگی ناتینچلیکلرگه شاهد بولسه.
اولکه شمالیدهگی شاهین قول اردوسی نینگ ارکان رییسی غلام حیدر حیدرنینگ سلاموطندارگه ایتیشیچه، بدخشان ناتینچلیکلری لاجورد کانینی چیقاریش مسالهسی اوچون بولگن.
گزارشلرگه کوره، بدخشان بهالی تاشلرینی قاچاق قیله دیگن مافیالر، غیر قانونی شکلیده چیقاریشهدیلر.
ایتیلیشیچه، بدخشان قیمتلی تاشلری چیقاریلیب قوشنی اولکهلرگه قاچاق بولهدی.
شاهین قول اردو سینینگ ارکان رییسیگه کوره، بدخشان جاری وضعیتی اوچون مرکزی دولت تیزلیکده اقدام قیلیشی کوزه تیلهدی.
جناب حیدرگه کوره، بدخشان تانیچلیکلریگه تشقی لیکلر یانیده، محلی قورالیلرنی هم نقشی بار. شاهین قول اردوسیگه کوره، بدخشان رسمیلرینینگ ایریمی ولایت ناتینچلیکلریگه قولی بار.
طالبلرنی دارولش و قوراللش
اولکه شمالیدهگی شاهین قول اردوسینینگ باشلیغیگه کوره، طالبلرگروهی دن یره کوترگنلر کابلده مدوا ایتیلیب بدخشان یوباریلهدی.
اونینگ کوپه یتیریشیچه، ولایتده کوندوز دولت و کیچه طالب بولیب فعالیت قیله دیگن کیشیلر هم موجود و حکومت توغری سیده اوروش قیلیش اوچون اولرنی قوراللیدیلر.
حیدرگه کوره، بدخشان ناتینچلیک وضعیتیدن چیقیش اوچون هوایی حربیلرنی حمایت قیلیب کوچلی عملیات اوتکزیلمه گونگه قدر، تیزلیکده مذکور ولایت بحرانیدن چیقیش ناممکن.
اما بدخشان ولایت اورین باسرینینگ سلاموطندارگه ایتیشیچه، ولایت تیزلیکده طالبلربارلیگیدن پاک بولهدی.
جناب بیدارنینگ کوپهیتیریشیچه، طالبلر بهاری هجومیده کورهشهدی اوزلریگه مانور بیرسه، اما حکومت مذکور گروه قرشی سیده تاختهش کوچیگه ایگه دیر.
بدخشان سرپرستی شاهولیالله ادیب ایسه، جرم تومنینینگ خُستک قیشلاقی، وردوج و راغستان تومنلری مهم منطقه لردن بولگنلیگی سبب مذکور منطقهلردن طالبلرنی یوقاتیش اوچون یوکسک عملیات یولگه قویلیشینی سوریدی.
شوحاضر بدخشان تورت تومنی جملهدن ارغنجخواه، جرم، وردوج و یمگان یوقاری درجهده امنیتی تهدیدده قالگن. ولایت محلی رسمیلری بدخشانده تیزلیکده پولیس و اردو سانی کوپهیتیریلیشی کوزهتیلگن.
