_Copy3.jpg)
غور ولایتی نینگ مدنی فعاللری و ولایت کینگشی اعضالریدن بیرقطاری نینگ ایتیشیچه، طالبان گروهی اوچ هفتهدن بویان غور-هرات قتناو یولیده ماین ییرلشتیریب مذکور قتناو یول نینگ ایریم قسمتلرینی بوزیب تشلهگن.
اولرگه کوره، طالبان گروهی قتناو یولنی یوللاوچیلرنینگ یوزیگه باغلهگن و یوللاوچیلر و هیداوچیلر هرات و غورگه باریش اوچون اوزون یوللرنی گیزیب اوتیش گه مجبور بولهدیلر.
غور مدنی فعاللریدن اسدالله سدیدنینگ ایتیشیچه، اهالی کوپینچه قیینچیلیککه روپهره بولگن و اوشبو قتناو یول توسیلگنی باعث، غور ده ییگولیک آذیق-آوقت بهاسی نیچه برابر کوپهیگن.
غور ولایت کینگشی اعضاسی عبدالحمید ناطقی، مرکزی و محلی مسؤوللردن مذکور قتناو یول آچیلیشی اوچون فیروزکوه شهری نینگ غربی منطقهلریده قیتهدن تازهلش حربی عملیات باشلنیشی نی سورهگن.
جناب ناطقی گه کوره، اوشبو قتناو یولده نیچه ماین پارتلشی عاقبتیده تینچ اهالی قربانلیک بیرگن.
غور حاکمی اورین باسری حبیبالله رادمنش نینگ ایتیشیچه، فیروزکوه شهری نینگ غربی منطقهلریده اوتکزیلگن تازهلش عملیات جریانیده طالبان گروهی آغیر قربانلیک بیرگنیدن سونگ، مذکور گروه غور-هرات قتناو یولیده ماین ییرلشتیریب و یولنی بوزیشگن.
_Copy2.jpg)
غور حاکمی اورین باسری نینگ ایتیشیچه، اوشبو یولده طالبان تامانیدن ییرلشتیریلگن ماینلر پارتلشی نتیجهسیده کوپلب تینچ اهالی قربانلیک بیریشگن و قربان بولگنلرگه عیاللر و بالهلر هم شامل دیر.
جناب رادمنش گه کوره، ینگیلیکده مذکور قتناو یولده یوز بیرگن پارتلش نتیجهسیده 11 تینچ اهالی هلاک بولگن و باشقه اونلرچه ماین کشف ایتیلیب اوچیریلگن.
طالبان گروهی حاضرگهقدر بو توغریده هیچ نرسه دیمهگن.
عین حالده، غور محلی مسؤوللری نینگ ایتیشیچه، تیزلیککه فیروزکوه شهری نینگ غربی منطقهلری و غور-هرات قتناو یولیده «17 ضرب ظفر» نامیده حربی عملیات باشلنهدی.
شو توغریده…
غزنی ولایت کینگشی: طالبان جاغوری گه بارهدیگن یوللرده ماین ییرلشتیرگن
