مملکت جمهوررئیسی محمداشرف غنی اوتگن کیچه (چهارشنبه ۲- میزان) نیویارک ده یولگه قوییلگن بیرلشگن ملتلر تشکیلاتی نینگ ۷۵- دور عمومی ییغینیده، ویدیویی بیر پیام یوباریش بیلن دوحه ده یولگه قوییلگن افغانستانلیکلرارا سوزلشوولرگه اشاره قیلیب و آتیش کیسین برقرار ایتیلیشی نی سورهگن.
جناب غنی نینگ ایتیشیچه، گرچند افغانستان کوپینچه قیینچیلیکلر بیلن روپهرو دیر بیراق، حکومت نینگ عاجل و اونملی ایشی تینچلیککه ایرشیش دیر.
جمهوررئیس تینچلیک سوزلشوولر جریانیده بیرلشگن ملتلر تشکیلاتی نینگ افغانستان دن حمایتی قیلیشی نی کوپ اونملی دیب و مذکور تشکیلاتدن آتیش کیسین توغریسیدهگی ایستهکیدن قدردانلیک قیلگن.
جناب غنی نینگ ایتیشیچه: «دوحه ده افغانستانلیکلرارا سوزلشوولر باشلنگن بیرحالده، بیرلشگن ملتلر تشکیلاتی، شریکلر و خلقارا متحدلرنینگ نقشی کوپ اونملی دیر. افغانستان اهالیسی نینگ بو سوزلشوولرده آچیق و عاجل بیر اولویتی بار کیم او، آتیش کیسین دیر. زوروانلیکلر تیزلیککه توختهتیلیشی باشقه نرسهلرگه قرهگنده ترقیات اوچون بیزلرگه فرصت بیرهدی.»
اونینگ کوپهیتیریشیچه: «بو بیزلرگه ییترلی ایمس. بیزلر افغانستانده دواملی آتیش کیسین برقرار ایتیلیشی اوچون منطقه نی اوت بیرگن ترورچیلیک قیینچیلیگی گه دقت قیلیشیمیز کیرهک و اونگه بیر قیینچلیک و دنیا اوچون بیر تهدید صفتیده توجه قیلیشیمیز کیرهک.»
قطرده افغانستانلیکلرارا سوزلشوولر باشلنگنیدن ۱۳ کون اوتماقده، بیراق افغانستان اسلامی جمهوریتی و طالبان گروهی نینگ هیأتلری حاضرگچه اَیریم جنجللرنی حل قیله آلمهگن.
ایکی تامان تماس گروهلری نینگ ییغینی بعضی دلیللر باعث آرتده قالگن ایدی، بیراق مذکور ییغین اوتگن کون قیتهدن یولگه قوییلگن.
