.jpg)
افغانستان ملی اردوسی قندوز ولایتینینگ چهار دره تومنیده امریکهنینگ اوچوچیسیز باشقریله دیگن حربی اوچاقلری طرفیدن اوتکزیلگن هجوم نتیجهسیده جنگری طالبلرننیگ 16 نفری اولدیریلگنی بارهسیده خبر بیرگن. اما، قندوز ولایت کینگشی و بدخشان محلی رسمیلری، اولدیریلگنلرنینگ 14 نفری بوندن نیچه وقت آلدین اوشبو ولایتنینگ ایکّی منطقهسیدن اوغیرلهگن شخصلر دیگنلر.
ملی اردو 20_ فرقهسینینگ خبرنامهسیده عملیات اوتگن آقشام (5- سرطان) ده اوتکزیلگن. شونینگدیک خبرنامهده یازیلیشیچه، قوراللی طالبلرنینگ 16 نفری بیر منطقهدن باشقه بیر محلگه باره دیگن چاغده اقشنینگ اوچوچیسیز باشقریلهدیگن اوچاقلری بیرگن ضربه عاقبتیده هلاک بولگنلر. خبر، اولدیریلگنلر ایچیده قوراللی طالبلرنینگ تورمهلر مسوولی ملاجنت گل هم بارلیگینی معلوم قیلگن.
.jpg)
عین حالده، قندوز ولایت کینگشینینگ اعضاسی امرالدین ولی، اولدیریلگنلرنینگ فقط ایکّی کیشیسی طالبلر نفری بولگن ولی قالگنلری ایسه ولایتنینگ علی آباد تومنی امرخیل منطقه سیده بوندن نیچه وقت آلدین قوراللی طالبلر تامانیدن اوغیریلگن شخصلر ایکن لیگینی ادعا قیلگن.
جناب ولی نینگ سوزلریگه کوره، طالبلر تامانیدن اوغیرلهنیب بیر کانتینرده سقلنه دیگن اوشبو کیشیلر امریکه نینگ اوچوچی سیز باشقریله دیگن اوچاقلرینینگ هوا دن بیرگن ضربی سی عاقبیتده قربان بولگنلر. ایتلیشیچه، اولدیریلگنلرنینگ جسدی حدن تشقری کویلگن لیگی سبب تانیلمه قالگن.
بدخشان ولایت والیسینینگ اورین باسری گل محمد بیدار، گروگان آلینگنلر اولدیریلگن لیگینی تصدیق له گن.، اما او، بو توغریسیده تفصیلات بیریشمه گن. شونینگدیک جناب بیدار گروگه آلینگنلرنینگ کته قسمی بدخشان خلقی دیگن. قوراللی طالبلر تامانی هنوزگچه بو توغریده بیرار نرسه دیمهگن.
