کابل ده بیر پارتلش عاقبتیده انسان حقوقی ایرکین کمیسوینی نینگ ایکی ایشلاوچیسی هلاک ایتیلگنیدن کیین، بو کمیسیون مذکور حادثه توغریسیده مسئول نهادلر تحقیق قیلیشی، اونینگ نهایی بولیشی و اونینگ نتیجهسی اوشبو نهاد و قربانیلر عایلهسی بیلن اورته گه قوییلیب و شونینگدیک عدالت تأمین ایتیلیشی نی سورهگن.
بیر هفته آلدین، انسان حقوقی ایرکین کمیسیونی نینگ ایکی ایشلاوچیسی فاطمه خلیل و احمد جاوید فولاد بیر پارتلش عاقبتی ده، کابل شهری نینگ 12- ناحیهسیده هلاک ایتیلدی.
مذکور حادثهدن بیر هفته اوتیشی بیلن حاضرگچه بیرار کیشی یا-ده شخص حادثه مسئولیتی نی بوینیگه آلمهگن.
بوگون (شنبه 14- سرطان) انسان حقوقی ایرکین کمیسیونی باشلیغی شهرزاد اکبر، مذکور کمیسیون نینگ ایکی ایشلاوچیسیدن ایسلش مراسمیده ایتیشیچه، انسان حقوقی ایرکین کمیسیونی بو توغریده مسئول نهادلرنینگ تدقیقاتی دوام ایتیلیشی و اونینگ نتیجهسی مذکور کمیسیون و شونینگدیک قربانیلر عایله اعضاسی بیلن اورته گه قوییلیشی نی سورهیدی.
انسان حقوقی ایرکین کمیسیونی بیر اعلامیه ترقهتیب ایتیشیچه، اوشبو نهاد دین عالملری، باش قارهلاوچیلیک ایشلاوچیلری، رسانه ایشلاوچیلری و اجتماعی و فرهنگی سیمالر شامل تینچ اهالی گه قرشی برچه هجوملر جدی شکلده تیکشیریلیب و حادثه عامللری تانیلیشی نی سورهیدی.
انسان حقوقی ایرکین کمیسیونی نینگ اورغولشیچه، بو نهاد جدیت بیلن اوز فعالیتی گه دوام بیرهدی.
