میدان وردک امنیه قوماندانی محمدخلیل اندرابی نینگ سلام وطندارگه ایتیشیچه، ایکی کوندن بویان، میدان وردک ولایتی نینگ دایمیرداد منطقهسیده کوچیلر و مذکور منطقه یشاووچیلری اورتهسیده توقنه شوو یوزبیریب کیلماقده.
ایتیلیشیچه، توقنه شوولر «اله سنگ» و «سیاه سنگ» منطقه لریده یوزبیرگن. بو توقنهشوولر نتیجهسیده بیر کیشی کوچیلردن و بیر کیشی هزارهلردن هلاک بولگن و باشقه بیر هزاره تن جراحتی آلگن.
جناب اندرابی نینگ کوپیتیریشیچه، ایکی تماننی تینچلنتیریش اوچون منطقه ده قوم بویوکلری و امنیتی کوچلر یوباریلگن.
میدان وردک والیسی حیات الله حیات، بیر خبری ییغینده توقنهشوو تامانلریدن بیری- بیراوی بیلن کیلیشیش لرینی سورهگن. او، شونینگدیک مرکزی دولت دن ایکی تامان توقنهشووچیلر اورتهسیدهگی قرهمه قرشیلیکلر توغری سیده ییچیم یول تاپیشینی سورهگن.
هر ییل کوکلم موسومی باشلهنیشی بیلن کوچلر ساووق منطقهلردن ایسیق منطقهلرگه کیلیب جایلهشیشی باعث ییرلی اهالی بیلن کوچیلر اورتهسیده توقنهشوولر یوزبیرهدی، ایریم پیتلرده ایکی تاماندن انسانلر هلاک بولیشیگه سبب بولهدی.
حاضرگه قدر کوچیلری و هزارهلر اورتهسیده قره مهقرشیلیکلر اوچون دولت تامانیدن هیچ بیر ییچیم یول ارائیه بولمهگن.
انچه وقت آلدین، مملکت جمهور رییسی قوم بویوکلری و جهادی شخصیتلردن تشکیل ایتیلگن 32 کیشیلیک کمیسیون نینگ هزارهلر و کوچیلر اورتهسیدهگی قیین چیلیککه ییچیم یول تاپیش اوچون میدان وردک یوبارگن ایدی. لیکن کورینیشیچه، مذکور کمیسیون حاضرگچه بو خصوصده عملی ایش قیلمهگن.
