قندوز شهری جمعه دن شنبه گه اوتر کیچه طالبان گروهی نینگ نیچه تامانلمه هجومی گه دوچ کیلدی و ایکی تامان آرهسیده بولگن آتیشمه حاضرگهقدر دوام ایتماقده.
مدافعه وزیرلیگی سوزلاوچیسی روحالله احمدزی نینگ ایتیشیچه، جمعه دن شنبه گه اوتر کیچه یوزلرچه طالب قندوز شهری گه هجوم قیلگن و بو هجوم خوفسیزلیک کوچلری نینگ مقاومتی گه دوچ کیلگن.
اونگه کوره، خوفسیزلیک کوچلری و طالبان آرهسیده یوز بیرگن آتیشمهده طالبان آغیر قربانلیک بیرگن و شهرده تازهلش عملیات دوام ایتماقده.
بیراق، قندوز ولایت کینگشی اعضاسی امرالدین ولی نینگ ایتیشیچه، قندوز شهری نینگ خوفسیزلیک وضعیتی جوده هم یامان دیر و مرکزی حکومت تیزلیککه چاره تدبیر کوریشی کیرهک.
قندوز پولیس قومندانلیگی سوزلاوچیسی سیدسرور حسینی نینگ سلاموطندارگه ایتیشیچه، مدافعه و ایچکی ایشلر وزیرلیکلری نینگ سرپرستلری و شونینگدیک، چیتایللیک کوچلر قومندانی خوفسیزلیک وضعیتی نی نظارت قیلیش اوچون قندوز گه ییتیشگنلر.
جناب حسینی گه کوره، قندوز شهریده طالبان گروهی نینگ قتهغن قیلیش اوچون قوشمه حربی عملیات اوتکزیلیشی گه قرار قیلینگن.
جمهورلیک ریاست سرایی بیر اعلامیه نشر قیلیب، قندوز شهری اوستیگه طالبان گروهی نینگ هجومی نی تأسفلی و دوحه ییغینده مذکور گروه نینگ رهبرلری تامانیدن بیریلگن سوزلرگه قرشی دیگن.
طالبان گروهی سوزلاوچیسی ذبیحالله مجاهد، اوز توییتر صحیفهسیده یازیب ادعا قیلیشیچه، قندوز شهری نینگ ایریم منطقهلری مذکور گروه نینگ جنگریلرینی نظارتی گه اوتگن و طالبان جنگریلری شهر مرکزی تامان آلغه بارماقده.
شو توغریده…
