سلاموطندارگه صحبت بیرگن بادغیس ولایت کینگشی اعضاسی فرید اخیزی نینگ ایتیشیچه، طالبان گروهی نینگ هجوملری شدتلنگنی باعث، امنیتی کوچلر 16 پوستهنی طالبان گه تاپشیریب، 50 عسکر طالبان گه تسلیم بولگن و باشقه 100 عسکر ترکمنستان چیگرهسی گه قاچگن.
اونگه کوره، طالبان بالامرغاب تومنی نینگ بازاری گه هم هجوم قیلگن و حاضر مذکور تومن بازاری طالبان نینگ قمراویده دیر.
اونینگ کوپهیتیریشیچه، کماندو کوچلری منطقه گه یوباریلگن؛ بیراق اوروش میدانیده حاضرگچه هیچ قندهی اوزگریش اورته گه کیلمهگن.
شونینگدیک، سلاموطندارگه صحبت بیرگن بادغیس ولایت کینگشی اعضالریدن باشقه بیری بهاوالدین قادسی، امنیتی کوچلر قاچگنی و طالبان گه تسلیم بولگنینی تصدیقلب ایتیشیچه، ترکمنستان چیگرهیی عسکرلری قاچگن عسکرلرگه مذکور مملکت گه کیریش اوچون رخصت بیرمهگنلر و ترکمنستان چیگرهچیلری قاچگن عسکرلرنی طالبان گه تاپشیریشی ممکن.
قادسی نینگ کوپهیتیریشیچه، غرب زونیدهگی چیگره پولیسی تشقی ایشلر وزیرلیگی آرقهلی ترکمنستان ایلچیخانهسی بیلن علاقه قوریب و ترکمنستان چیگرهچیلری قاچگن عسکرلرگه مذکور مملکت توپراغی گه کیریش اوچون رخصت بیریشی خصوصیده سعی و حرکت قیلهدی.
عین حالده، بادغیس حاکمی نینگ سوزلاوچیسی جمشید شهابی، بالامرغاب تومنی و موریچاق منطقهسیده آتیشمهلر یوز بیرگنینی تصدیقلب ایتیشیچه، چیگره کوچلری پلان اساسیده، 6 پوستهنی ترک قیلیب و تینچ بیر منطقه گه کیتگنلر.
بادغیس حاکمی نینگ سوزلاوچیسی، چیگره کوچلریدن 50 تهسی طالبان گه تسلیم بولگنینی رد قیلهدی؛ بیراق ایتیشیچه، 6 پوستهدن چیققن امنیتی کوچلرنینگ رقمی 60 کیشی گه ییتیشهدی.
بادغیس حاکمی سوزلاوچیسی نینگ کوپهیتیریشیچه، طالبان گروهی اولتیریش اویلرنی سنگرگه اوزگرتیرگن و بو موضوع عملیات سُستلیگی گه سبب بولگن.
عینحالده، بادغیس پولیس قومندانلیگینی خوفسیزلیک آمری شیرآقا الکوزی نینگ ایتیشیچه، بالامرغاب تومنیده کمکی کوچلر یوباریلگن و اوروش وضعیتی اوتگن کونلرگه قرهگنده یخشیلنگن دیر.
جناب الکوزی، امنیتی کوچلرنینگ طالبان گروهیگه تسلیم بولگنینی رد قیلهدی؛ چیگره پولیسیدن ایکی تولی ترکمنستان چیگرهسیگه بارگنلر.
شوتوغریده…
عینحالده، 207 ظفر قول اردو قومندانلیگینی بیر خبرنامه آرقهلی ایتیشیچه، بادغیس ولایتی نینگ بالامرغاب تومنیده امنیتی کوچلر تامانیدن یولگه قوییلگن عملیات نتیجهسیده، طالبان جنگریلریدن 51 تهسی هلاک ایتیلیب و اوشبو گروه گه تیگیشلی قطار حربی تجهیزات امنیتی کوچلر قولیگه توشگن.
خبرنامهده کوپهیتیریلیشیچه، امنیتی کوچلرنینگ عملیاتلری دوام تاپماقده.
طالبان گروهی بیر خبرنامه آرقهلی، بالامرغاب تومنی نینگ موریچاق منطقهسیده، چیگره پولیسیدن 30 تهسی نینگ اوشبو گروه گه تسلیم بولگنینی ادعا قیلیب و باشقه 200 پولیس نینگ ترکمنستان چیگرهسیگه قاچگنی نی بیلدیرگن.
