بروکسلده ناتو تشکیلاتی نینگ مدافعه وزیرلری ییغینی ایکینچی کونیده مذکور تشکیلات نی باش کاتبی ینس استولتنبرگ نینگ ایتیشیچه: «بیزلر افغانستاننی ترک قیلیش ایمس، بلکیم تینچلیک شرطنامهسی توغریسیده ایشلهیمیز.»
استولتنبرگ نینگ کوپهیتیریشیچه، گرچند افغانستان باشقه هر زماندن آرتیق تینچلیک شرطنامهسیگه یقینلشگن؛ بیراق بو شرطنامه گه قول قوییلیشی حتمی ایمس دیر. اونگه کوره، افغانستاندهگی یوتوقلر سقلهنیشی، شرطنامه نینگ کته قسمینی تشکیل بیرهدی.
استولتنبرگ اوز پیامی ده افغانستان دولتی گه ایتیشیچه، ناتو و بیرلشیکلری افغانستان دولتی نینگ یانیده بولهدی و افغانستان حربی کوچلریگه تعلیمات بیریش و مدافعه کوچلرینی حمایه قیلیش گه دوام بیرهدی.
جناب استولتنبرگ نینگ کوپهیتیریشیچه: «امنیتی کوچلر طالبان نظارتی ده بولگن منطقهلرنی قیتریب آلگن. طالبان گروهی اوروش میدانیده غلبه قازانه آلمهیدی و بیزلر افغانستانده قالهمیز. افغانستان دولتی و امنیتی کوچلریدن حمایه قیلهمیز. طالبان گروهی نینگ یالغیز یولی آمریکا و افغانستان دولتی بیلن مذاکره میزی اوستیگه اولتیریش بولهدی. بیزلر بیر کیلیشووگه قول تاپیش خصوصیده امید قیلهمیز و بیزلر افغانستانده قالیب و حمایهمیزگه دوام بیرهمیز.»
داعش گروهی توغریسیده استولتنبرگ نینگ ایتیشیچه، داعش سوریه و عراق مملکتلریده خلافت نی قولدن بیرگن و افغانستانده خلافت قوریش اوچون حرکت قیلهدی. اونینگ اورغولشیچه، تروروچیلیککه قرشی افغانستان امنیتی کوچلریدن حمایت قیلیش عراق و سوریه ده داعش گروهی گه قرشی اوروش بیلن جدی شکلده علاقهدار بولگن.
شونینگدیک، بروکسل ییغینیده افغانستان مدافعه وزیرلیگی سرپرستی اسدالله خالدنینگ ایتیشیچه، اوتگن بیر ییلده افغانستان امنیتی کوچلری قولدن کیتگن منطقهلرنی قیتهدن نظارتگه آلیش اوچون کوپینچه یوتوقلر قولگه کیریتگن و مدافعه کوچلری یخشیلنتیریلیشی اوچون کماندو و هوا کوچلریگه کوپلب دقت قیلینگن.
ناتو تشکیلاتی گه اعضا مملکتلرنی مدافعه وزیرلری نینگ ییغینی اوتگن کون بلژیکده باشلندی و ایکی کون دوام ایتهدی.
شو توغریده…
