افغانستان تینچلیک مذاکرهسی نینگ ایکینچی دستلبکی اولتیریشی شبنه کونی 16جوزا ده پگواشی مؤسسهسی تامانیدن قطرده اوتکزیلیشی ایتیلگن ایدی.
تینچ لیک عالی کینگشی اعضاسی محمداسماعیل قاسمیار نینگ سلام وطندارگه ایتیشیچه، دبی اولتیریشیده قطردهگی سونگی اولتیریش مسالهسی اوستیده بحث اوتکزیلگن.
قاسم یارنینگ کوپیتیریشیچه، دبی نینگ بوگونگی دستلبکی اولتیریشی روزه آییدن کیینگه قالدیریلگن.
شونینگدیک تینچ لیک یوکسک کینگشینی اوشبو اعضاسی نینگ ایتیشیچه، بو اولتیریشده سوزلشوولر قندهی صورتده اوتکزیلیشی توغریسیده گپیریلگن.
بوندن آلدین ترقهتیلگن گزارشلرگه، قطردهگی اولتیریش لایحهسینی توزهتیش اوچون دبی ده اوتکزیله دیگن ییغینده کابل دولتی نمایندهلیگیدن میرویس یاسینی، قیوم کوچی، قطب الدینهلال و سید اسحاق گیلانیلر اشتراک ایتیشی ایتیلگن ایدی.
گزارشلرگه کوره، مذکور اولتیریشده شیرمحمد عباس استانکزی سرپرست لیگیده طالبلر تامانیدن اوچ کیشیلیک هیأت اشتراک ایتیشی ایتیلگن.
بیراق سیاسی تحلیلچیلرنینگ ایتیشیچه، اوشبو دستلبکی اولتیریش قطر اولتیریشی اوچون فایدهلی دیر.
ایتیلیشیچه، افغانستان نینگ ایکینچی تینچ لیک مذاکرهسی کانادالیک پگواشی مؤسسه تامانیدن روزه آیی دن کیین قطرده اوتکزیلهدی.
قطردهگی «افغانستان سوزلشووی» نامی آستیدهگی بیرینچی اولتیریش پگواشی مؤسسهسی تامانیدن جاری قویاش ییل 12- ثور ده اوتکزیلدی، اونگه طالبلر تامانیدن 8 نماینده و کابل تامانیدن 3 عیال شامل 20 نماینده اشتراک ایتکن.
مذکور اولتیریشده افغانستان دولتی نینگ نمایندهلری، تینچ لیک عالی کینگشی اعضاسی، پارلمان نمایندهلری، سیاسی حزبلر و مدنی جماعهچیلیک فعاللری نینگ اورتهسیدن سیلنگن.
شونینگدیک اوشبو اولتیریشده گلبدین حکمتیارنینگ اسلامی حزبی تامانیدن هم بیر هیأت قتنشگن.
عینحالده، ایکی کون آلدین جمعه کونی مدنی جماعهچیلیک نمایندهلری و افغانستان ملی کینگشی نینگ اعضاسی نارویده طالبلرنینگ نمایندهلری بیلن اوچرهشگن.
گزارشلرگه کوره، طالبلر بیرقطار رسمیلری افغانستان تامانی بیلن ناروی ده بیر نارسمی اولتیریشده اوچرهشگنلرینی تن آلگن.
ییتیب کیلگن گزارشلرگه کوره، افغانستان حکومتینینگ طالبلر بیلن اوتکزگن تینچلیک مذاکرهسی ایجابی نتیجه بیرمهگنی باعث، ناروی دولتی، جمعه کونی افغانستان رسمیلریدن بیرقطاری مذکور مملکتده نارسمی اولتیریشده طالبلر بیلن سوزلشگنینی ایتگنلر.
حاضرگه قدر افغانستان و طالبلر رسمی لری نینگ آتی آچیق لنمهگن.
ایتیلیشیچه، ناروی اولتیریشیده افغانستان تامانی بیلن طالبلر عیاللرنینگ حقوقی توغریسیده بحث اوتکزگن.
ناروی دولتی نینگ رادیو تلویزیونی تامانیدن ترقهتیلگن گزارشگه کوره، مذکور ییغینده ناروی مملکتی نینگ پایتختی اوسلوده یولگه قوییلیب، جمعه کونی 5- جون ده یکونلنگن.
باشقه تاماندن، طالبلرنینگ سوزلاوچیسی ذبیح الله مجاهد نینگ ایتیشیچه، اولر نارویده اوتکزیلگن اولتیریشده افغانستان مدنی جماعهچیلیک اعضاسی بیلن چیت ایللیک کوچلرنینگ افغانستانده قالیشی توغریسیده مصلحت قیلگنلر.
ذبیح الله مجاهدگه کوره، اوشبو نارسمی مذاکره، تینچلیک سوزلشووی باشلهنیش معنی سیده ایمس.
افغانستان و طالبلر رسمیلری نینگ نارسمی سوزلشوولری توغریسیده، طالبلرنینگ سوزلاوچیسی تامانیدن ترقتیلگن خبرنامهده، اونچهلیک معلومات بیریلمهگن.
کمیده بیر آی آلدین طالبلر قطرده، دولتی اداره لرده عیاللرنینگ ایشلشلریدن حمایت ایتیش لرینی ایتکن.
نامی فاش ایتیلیشینی ایستهمگن بیر منبع نینگ، قطار میدیالرگه ایتیشیچه، ناروی اولتیریشیده افغانستان دن 10 عیال اشتراک ایتکن، شکریه بارکزی، حبیبه سرابی، گلالی نورساپی، فوزیه کوفی و حواعلم نورستانی انه شولر جمله سیدن بولگن.
بیراق تینچلیک عالی کینگشی بو سوزلرنی رد ایتیب ایتیشیچه، تینچ لیک یوکسک کینگشی تامانیدن بو سوزلشوو توغریسیده رسمی شکلده بیر نرسه دییلمهگن.
عین حالده، پارلمان نمایندهسی فوزیه کوفی نینگ بیر تلویزیونی صحبتده ایتیشیچه، حاضرگه قدر ناروی سوزلشووی نینگ لایحهسی طالبلرگه بیللی ایمس؛ بیراق کوپیتیریشیچه، تینچ لیک مذاکره و عیاللر حقوقی مذکور لایحهنی اونملی بولیمیدن بولیشی ممکن.
سیاسی ایش بیلرمانلردن بیری ملا سیداکبر آغا نینگ سلام وطندارگه ایتیشیچه، تینچلیک مذاکرهلری رسمی شکلده باشلهنیشیدن آلدین بوندهی بیر اولتیریشلرنی اوتکزیلیشی تامانلر ارا قره مه قرشیلیک لرنی اورته دن کوترهدی.
تنیچلیک مذاکرهلرگه قرهمی، طالبلر سونگی کونلرده بهاری عملیاتلرینی شددت لشتیریب و مملکتنینگ ایریم منطقهلریده گروهی شکلده هجوم قیلماقدهلر.
