ننگرهار ولایتی نینگ محلی مسووللری، بوگون ایرتلب نیچه خودکش هجومچی ولایت ملی رادیو تلویزیونینینگ بناسیگه هجوم قیلگن لیگی بارهسیده خبر بیردیلر.
ننگرهار ولایتی والیسی نینگ سوزلاووچیسی عطاالله خوگیانی، نیچه ساعتلیک توقنشوودن کیین هجومچیلر اولدیریلیشی بیلن حمله پایانیگه ییتگن لیگینی معلوم قیلدی.
خوگیانی، بو اداره نینگ خادملری ایش محلیدن چیقاریلگن لیگینی بیلدیرگن.
هجومچیلرنینگ سانی اوچ کیشی ایکن لیگینی اعتراف قیلگن جناب خوگیانی، بولردن ایکّی نفری اوزینی پارتلهتیب یوبارگن، بیرتهسی ایسه ملی کوچلر آرقهلی اولدیریلگن دیدی. ننگرهار ملی رادیو تلویزیونی جلال آباد شهرینینگ گوجوم منطقهلریدن بیریده جایلشگن. ایتیلیشیچه، واقعه مسوولیتینی هنوزگچه کیشی یا – ده گروه ذمهسیگه آلمهگن.
