فراه یشاوچیلریدن بیرقطارینینگ ایتیشیچه، طالبلر اوتکن کیچه ساعت 11 اطرافیده فراه شهریده هجوم ایتیب، امنیتی ادارهلردن بیرقطارینینگ اوستیده اوق آتگنلر.
فراه یشاوچیلریدن بیری سیدمحمدنینگ ایتیشیچه، طالبلر کینگ شکلده فراه شهری اوستیده هجوم قیلگن. اونینگ ایتیشیچه، آتیشمه جریانیده اقاربلریدن بیرکیشی هلاک بولیب و باشقه بیر کیشی یرهلنگن.
سلاموطندارگه صحبت بیرگن فراه ولایت کینگشی اعضاسی جمیله امینینینگ ایتیشیچه، طالبلر مسکونی اویلردن سنگر عنوانیده قولهنیب، پولیس قومندانلیگی، ایکینچی حوزه و مرکزی قموخانه اوستیده اوق آتگنلر.
فراه ساغلیقنی سقلش باشلیغی شایق جمالنینگ سلاموطندارگه ایتیشیچه، آتیشمه جریانیده امنیتی کوچلردن اوچ کیشی و بیر تیینچ اهالی یرهلهنیب، فراه ولایتی کسلخانه سیگه انتقال بیریلگن.
عینحالدهسلاموطندارگه صحبت بیرگن فراه حاکمی عبدالبصیر سالنگینینگ ایتیشیچه، طالبلر تامانیدن اوتکن کیچه صورت تاپگن هجوم کینگ بولمی و مذکور گروه جنگرهلری جریکی شکلده امنیتی کوچلر اوستیده اوق آتگنلر. جناب سالنگی گه کوره، بوگون" پنجشنبه" امنیتی کوچلر تامانیدن اویمهاوی عملیات باشلهنیب و فراه شهرینینگ طالبلر وجودیدن تازهلهنیشی ممکن.
