افغانستان ملی خوف سیزلیک باشقرمه سی نینگ سابق ریسی امرالله صالح، پاکستان تینچلیک مذاکرهلر اوچون افغانستان دولتیگه صادق همکارلیک قیلمس لیگینی ا یتگن. اما، پاکستان دولت رسمیلری هر دایم، پاکستان افغانستان برابریدهگی سیاست لریگه اوزگریش کیریتگن لیکلری باره سیده تاکیدلیدی. بو اوزگریش نینگ اساسی نمونه لریدن بیری سونگی بیر نیچه وقت ایچیده پاکستان دولت رسمیلری نینگ افغانستانگه قیلگن سفریدن معلوم بولهدی. شونینگ دیک 1393- ییل دلو آیی نینگ 5 – سیده افغانستان دولتی نینگ حربی بلند مرتبهلی رسمیلری پاکستانلیک بلند مرتبه لی جنرال شفیق فضلی رهبرلیگیده اسلام آبادگه سفر قیلیب، پاکستان چیگره حربی لری شونینگ دیک ایلکه مملکت چیگره حدودیده گی خوف سیزلیک موضوع لری اوسیتده بحث آلیب بارگن ایدیلر. بیراق، امرالله صالح پاکستان ایلکه مملکت چیگره سیده گی دیورند چیزیغه گه حرمت قیلمس لیگی نی ایتگن. اونگه کوره: « افغانستان خلقی اوچون دیورند چیزیغی بیر خط دیر؛ اما، پاکستان ادبیاتیده او ییر چیگره اتله دی. بو توغریده افغانستان مذکور حدود خط یا – ده چیگره بولمس دن حرمت ایتلیشی گه تاکیدلیدی. افغانستان دولتی هیچ بیر زمان پاکستان نینگ ایچکی ایش لریگه اره لشمه گن؛ اما، پاکستان 60 ییل دن بیری افغانستان ایچکی مساله لریگه اره لشه دی. شونینگ دیک پاکستان تامانی دیورندنی چیگره صفتیده تَنیمیدی»
جناب صالح نینگ سلام وطندار گه ایتیشیچه، پاکستان دولتی دیورند چیزیغی دن تشقریدن، باشقه بیر قطار ایریم معین هدف لری اوچون اوز سیاستی گه اوزگریش کیلتیرمه گن. صالح نینگ ایتیشیچه، افغانستان دولت بلند مرتبه لی رسمی لری نینگ پاکستان گه سفر قیلیش لری یا – ده پاکستان حکومتی نینگ یوقاری لوازم لی مسووللری افغانستان گه سفر قیلیشی بیلن او مملکت اوز سیاستی گه هیچ قندی اوزگریش کیلتیرمیدی. اونگه کوره، پاکستان اوز سیاستی گه اوزگریش کیلتیریش بیلن اولدیریش، خودکش هجوم و عمومی یوللرده باب اورنه تیلیش ده قنچه لیک اوزگریش کیلگن؟
جناب صالح نینگ سلام وطندارگه معلوم قیلیشیچه، پاکستان، افغانستان دولتی هند بیلن علاقه سی یخشی لنگن لیگی، مملکت جنوب شرقیده خارجی شرکت لرنی فعالیب آلیب باریشی، 30 فایز افغان حربی کوچلری پاکستانده حربی تیارگرلیک کوریشی، امریکا دولتی بیلن افغانستان اورته سیده شرطنامه امضاله نیشی نی ایسته مسلیگی کبی موضوع لرنی دایم ایلگری سوره د ی.
شونینگ دیک صالح: « پاکستان دولتی افغانستان حکومتی هند بیلن علاقه سی یخشی لنمس لیگی اینیقسه حربی ساحه ده او مملکت بیلن علاقه سی بوتونلی اورته دن کوتاریلیش نی ایستیدی. پاکستانلیک لرگه کوره، افغانستان هندوستان بیلن اقتصادی ساحه ده همکارلیک قیلیشی توغری، اما، افغانستان حربی مامورلری هندوستانگه باریب حربی بولیم ده اورگه نیش کوریش جمله دن بو ایکله مملکت حربی علاقه باغله شی پاکستان اوچون قبول قیلنه دیگن مساله ایمس»
ملی خوف سیزلیک باشقرمه سی نینگ سابق رئیسی، پاکستان دولتی نینگ باشقه ایستک لریدن بیری مملکت نینگ جنوب شرقی ولایت لریده پاکستاندن تشقری باشقه مملکت شرکت لرینی ایش قیلمس لیگی دیر. پاکستان دولتی امریکا بیلن افغانستان حکومتی اورته سیده خوفسیزلیک همده مدافعه وی شرطنامه امضاله نیش نینگ جدی مخالف لریدن. پاکستان نینگ باشقه ایسک لریدن بیری ایکله مملکت چیگره سیده جایلشگن دریا سوولریدن پاکستان دولتی فایده له نیش دیر .
عین حالده، جناب صالح افغانستان حکومتی هیچ بیر زمان پاکستان خلقی بیلن قیین چیلیگی یوق لیگی نی تیلگه آلگن. اونگه کوره، پاکستان ملی اردوسی افغانستان دولتی نینگ اساسی دشمنی دیر. اونگه کوره، افغانستان و پاکستان چیگره حدودلری امنیتی تامین له نیشی اوچون مذاکره لر اوتکزیلیش ده ییریک احتیاج بار. دیورند چیزیغی افغانستان اوچون بیر چیگره دیر، اما پاکستان اوچون چیگره تَنیلگن.
سونگی بیر نیچه وقت ایچیده افغانستان و پاکستان دولت بلند مرتبه لی رسمیلری نینگ ایکله مملکت دن باردی کیلدیلری، پاکستان دولتی نینگ تروچیلیککه قرشی کوره ش آلیب باریشی اوچون امیدوارلیک لرنی کوپیتیرگنی ایتیله دی. اما، امرالله صالح پاکستان نینگ بو باره ده گی حرکت ینه هم افغانستان اوچون بیر سیاسی اویین بولگن لیگی حقیده تاکیدله ماقده. پاکستان افغانستان اوچون هیچ بیر زمان عملده آدیم کوتارمس لیگیگه ایشانه من دیدی جناب امرالله صالح.
