کابل ولایتی نینگ قرهباغ تومنی پولیس قومندانلیگینی منطقهیی کنترل آمری اوشبو تومن پولیس قومندانلیگی اوستیگه هجوم قیلگن.
قرهباغ تومنیدن اعتبارلی بیر منبع نینگ سلاموطندارگه ایتیشیچه، بوگون "جمعه" ساعت 11:30 ده قرهباغ تومنی پولیس قومندانلیگی نینگ منطقهیی کنترل آمری بیرقطار ناقانونی قوراللی کیشی بیلن بو تومن پولیس قومندانلیگی اوستیگه هجوم قیلگن.
عینحالده، قرهباغ تومنی نینگ پولیس قومندانی مرزامالدین نینگ بو خبرنی تصدیقلب ایتیشیچه، پولیس قومندانلیگی نینگ منطقهیی کنترل آمری احمدالله، هماهنگلیک قیلمهسدن پولیس موترینی چیقاریش اوچون سعی و حرکت قیلگن، بیراق امنیتی کوچلر تامانیدن رخصت بیریلمهگن.
اونینگ ایتیشیچه، احمدالله 30 ناقانونی قوراللی کیشی بیلن پولیس قومندانلیگی اوستیگه هجوم قیلگن، لیکن امنیتی کوچلرنینگ عسکالعملی بیلن روپهره بولگن.
حکومتی مسووللر پولیس و ناقانونی قوراللی کیشیلر آرهسیده آتیشمه یوز بیرگنینی تصدیقلگن، بیراق تلفات خصوصیده صحبت قیلمهگن.
قرهباغ پولیس قومندانلیگی نینگ منطقهیی کنترل آمری فکرینی آلیش اوچون سعی و حرکت قیلدیک، لیکن موفق بولمهدیک.
