.JPG)
جوزجان حاکمی سوزلاوچیسی عبدالمعروف آذر نینگ سلام‌وطندارگه ایتیشیچه، اوشبو ولایت نینگ آقچه تومنی‌نی «دشت‌مغل» ساغلیک مرکزیده فعالیت قیله‌دیگه دکتر عبدالقادر و قابله سلامت ناتانیش قوراللی کیشی‌لر تامانیدن اوققه توتیلگن.
اونینگ ایتیشیچه، اوشبو واقعه اوتگن کونی مذکور اِیر و خاتون ساغلیک مرکزدن اویلری تامان باره‌دیگن بیر چاغده یوز بیرگن.
جوزجان ولایتی بوییچه ساغلیق‌نی سقلش ریاستی مسوول‌لری، بو توغریده معلومات‌لری یوق‌لیگی‌نی بیلدیره‌دی.
جوزجان ولایتیده انسان حقوقی ایرکین کمیسیونی نینگ ساحوی دفتری مسوولی مغفرت صمیمی نینگ ایتیشیچه، اوشبو ولایتده ناتینچلیک‌لرنینگ کوپه‌یشی زنجیره‌یی قتل‌لر اوچون زمینه یره‌تگن.
خانم صمیمی، آقچه تومنیده مذکور داکتر و قابله نینگ اولدیریلیشی‌نی انسانیت‌گه قرشی جنایت عنوان قیله‌دی و بو واقعه عامل‌لری قولگه آلینیشی‌نی ایسته‌یدی.
عین‌حالده، بامیان ولایتیدن بیرمنبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگریلری ایکی کیچه آلدین اوشبو ولایت نینگ شیبر تومنیده شمس‌الدین نام‌لی بیر تینچ اهالی‌نی دولت‌گه همکارلیک قیلیش عیبی بیلن اولدیرگن.
منبع نینگ ایتیشیچه، شمس‌الدین یقینی ده بولگن بیر امنیتی پوسته رسمی‌لریگه سوو و نان آلیب باره‌ریکن.
شیبر تومنی ولسوالی امیر شریف نینگ ایتیشیچه، طالبان جنگریلری شمس‌الدین‌نی اویدن چیقاریب و اوققه توتگن.
شمس‌الدین نینگ ایناغه‌سی محمدیاسین نینگ ایتیشیچه، طالبان گروهی ایناغه‌سینی فاجعه‌لی شکلده اولدیرگن.
اونینگ کوپه‌یتیریشیچه، ایناغه‌سی امنیتی کوچلرگه نان و سوو آلیب باره‌ریدی و طالبان گروهی بو ایشدن قول تارتیشی نی سوره‌گن ایدی.
طالبان گروهی حاضرگه‌قدر بوتوغریده صحبت قیلمه‌گن.
