نمایندهلر مجلسینینگ ایکینچی اورین باسری نذیراحمدزی، ملی امنیت باشلیغی ایشدن آلینیشی توغریسیدهگی پروفاگندلرنی رد قیلگن. جناب احمدزی، تیزلیکده ملی مجلسنینگ اداری هیأتی جمهور رییس غنی بیلن اوچرهشیب ملی امنیت رییسی ایشدن آلینمسلیک مسالهسی اوستیده گپیرهمیز دیگن.
اوتگن هفته ترقهتیلگن گزارشلرده ایریم وزیرلر قوشیمچه ملی امنیت ادارهسینینگ باشلیغی ایشدن آلینیشی ایتیلگن ایدی. شونینگدیک مجلس نینگ قطار اعضالری جناب نبیل ایشدن آلینیشی اوچون ایریم تشقی تیورهکلر قولی بارلیگینی ایتگنلر. ایتیلیشیچه، منطقه دولتلرینینگ استخبارات ادارهسی اوز منفتیگه خذمت قیلهدیگن شخص افغانستان ملی امنیت ادارهسی باشلیغی ایتیب تعین لهنیشی اوچون اولگورهدی.
کابل شهرداری: بیش کونده کابل چیقیندلردن تازهلنهدی
شونینگدیک بوگون ملی مجلسنینگ عمومی ییغینیده کابل شهردارلیگینینگ اورین باسری، اطراف محیطنی تازه سقلش ادار رییسی و شهر قوریش وزیرلیگینینگ اورین باسری جوابگرلیککه چقیریلگن ایدی. نمایندهلر پایتخت کابلنینگ هواسی افلاسلنگنلیگی توغریسیده بولگن سوراقلرینی مطرح قیلگنلر.
کابل شهردارلیگی اورین باسری عبدالاحد واحدینینگ ایتیشیچه، شهر تازهلهنیشی اوچون کمپاین باشلنگن و بیش کونگه قدر شهرنینگ کته قسمی چیقیندیلردن تازهلنهدی.
جناب واحدی کیشیلیک همده زمانوی جهاز بولمهگنلیگینی مذکور ادارهنینگ قرشیسیده بولگن ییریک معما دیگن. اونینگ سوزلریگه قرهگنده ییریک بیر شهرنی تازهلش اوچون 800 کیشی ییترلی ایمس.
شونینگدیک اطراف محیطنی تازهسقلش ادارهسینینگ اورین باسری عبدالولی مدقق ایریم ادارهلر اورتهسیده هماهنگلیک یوقلگی و ییترلی درجهده بودجه بولمهگنلیگی هوا افلاس لهنیشی اوچون کته معمادیگن. اما، مذکور اداره کابل هواسی افلاسلیگی آلدی آلینیشی اوچون ایریم خلق ارا ادارهلر بیلن گپیریلگن دیگن.
شهر قوریش وزیرلیگینینگ اورین باسری امیرالدین سالک، بوندن بویان قوریله دیگن اویلر دنیا معیارلری اساسیده قوریلیشی اوچون سعی وحرکتلر بار دیگن.
مذکور ادارهلرنی اداری فسادگه باتگنلیکده عیبلهگن ملی مجلس نینگ اعضالری کابل هواسی تازهلهنیشی اوچون بو اداره لرنینگ آلیب بارهجک سعی وحرکتلرینی فایدهسیز دیگنلر. پارلمان اعضاسی فوزیه کوفی بو مسالهگه جدی بولیش اوچون حکومت قیزیل خط تعین قیلیشنی سورهگنلر.
نیچه قرن دن بیر کابل افغانستان پایتختی دیر، بوندن تورت اون ییللیک اوروشلردن آلدین مذکور شهرنینگ اهالیسی شهر نیشینلیک مدنیتیگه آشنا بولگنلر، اما طالبلر تیزیمی سقوط قیلگندن سونگ کابلگه باشقه ولایتلردن کیشی لر کیلیشی بو ولایتنی ادارسی شهردارلیک اختیاریدن چیقیب بوگون دنیا بولیب افلاسلنگن پایتختگه تانیلگن.
