بوگون "شنبه" کابلده خبری ییغین اوتکزگن ایچکی ایشلر وزیرلیگینینگ سوزلاوچیسی نجیب دانشنینگ ایتیشیچه، غزنی ولایتینینگ سقوط قیلیش خطری دفع ایتیلیب مذکور ولایت نی طالبلردن تازهلش لایحهنینگ دوامی بار. بیراق طالبان جنگره لرینینگ مسکونی اویلرده کیریشی اوشبو عملیات گه قرشی قیینچیلیک یرهتگن.
جناب دانش گه کوره، غزنینینگ مقر و وردکنینگ سیدآباد منطقهلری اوتکن کیچهدن بویان یاپیق قولگن ایدی، بیراق حاضرده آچیلیب و کمکی کوچلر انهشو یول بیلن غزنی ولایتیگه بارگن.
ایچکی ایشلر وزیرلیگینینگ سوزلاوچیسی گه کوره، غزنی اوروشیگه طالبان جنگره لریدن کمیده 150 تهسی هلاک و یرهلهنیب شونینگدیک امنیتی کوچلردن 26 تهسی هلاک و یرهلنگن.
جناب دانشنینگ ایتیشیچه، غزنی ولایتیده مخابراتی ترماقلر، حربی بولمهگن تاسیسات لر و تلویزیون لر آنتنلری تخریب بولگن.
