تخار ولایتی نینگ محلی مسووللری، قوراللی طالبلر پولیس نینگ بو ساندهگی عسکرلرینی درقد و خواجه بهاءالدین ارهلیغیده جایلشگن چرسی منطقهسیده آتیب اولدیرگن دیدیلر.
تخار ولایتی والیسی نینگ سوزلاووچیسی سنت تیمور، اوتگن کون قوراللی طالبلر خواجه بهاءالدین و درقد تومنی چیگرهسیده قورشاوگه آلگنلر دیدی. اوشبو پوسته جنگری طالبان آرقهلی تصرف ایتیلگن بیر پیتده 7 پولیس اولدیریلگن دیدی تیمور.
جناب تیمور، کومکی حربیلر منطقهگه یوباریلگن لیگینی ایتهدی. جنگری طالبلر آرقهلی اشغال ایتیلگن پوسته هنوزگچه عصیانچیلر تصرفیدن آزاد ایتیلمهگن لیگی ایتیلهدی.
سوزلاووچی توقنشووده قوراللی طالبلرگه هم تلفات ییتکزیلگن دیدی. لیکن، او اولدیریلگن طالبلر سانی حقیده بیر نرسه دیمهگن.
جنگری طالبان تامانی ییتکرمهلرگه یوللگن خبرنامهده پولیس نینگ 8 حربیسی اولدیریلگن لیگینی ادعا ایتگن.
