دوشنبه دن سهشنبه گه اوتر کیچه (11- سنبله) کابل شهری نینگ قابلبای منطقهسیده گرین ولیج کمپی قانلی پارتلش گه دوچ کیلدی و بو پارتلش نتیجهسیده 16 کیشی هلاک و باشقه 119 کیشی یرهلندی. بوگون ایسه مذکور منطقه یشاوچیلری، ناراضیلیک بیر نمایش یولگه قوییب حکومت دن بو کمپ نینگ باشقه بیر ییرگه انتقال بیریشی نی سورهشگن.
اوشبو پارتلش دوشنبه دن سهشنبه گه اوتر کیچه 9:55 دقیقه ده یوز بیرگن و بو پارتلشده پارتلاوچی ماده دن توله بولگن بیر تراکتور گرین ولیج کمپی نینگ جنوبی دیوارینی هدف آلگن.
طالبان گروهی اوشبو هجوم مسؤولیتی نی بوینیگه آلگن.
کابل شهری نینگ 9- حوزهسیگه تیگیشلی قابلبای منطقهسی یشاوچیلری نینگ ایتیشیچه، بوندن آلدین هم نیچه مرته ناراضیلیک بیلدیریب و گرین ولیج کمپی منطقهدن چیقاریلیشینی سورهشگن ایکن، بیراق دولت حاضرگچه بو توغریده هیچ بیر ایش قیلمهگن.
منطقه یشاوچیلری دولت دن ایستکلریگه ایجابی جواب بیریب و چیتایللیک کوچلرنینگ کمپینی یشش محل دن باشقه ییرگه انتقال بیریشی نی سورهشگن.
قابلبای منطقهسی یشاوچیلری نینگ ایتیشیچه، گرین ولیج کمپی اویلری نینگ یقینیده بولگنی باعث، کیچهلرینی قورقینچ بیلن ایرته قیلیشهدی.
قابلبای منطقهسیده یوز بیرگن واقعه ده عایلهسی نینگ 4 اعضاسی یرهلنگن فرهادنینگ ایتیشیچه، یوز بیرگن پارتلش ده بار و یوقلرینی قولدن بیرگن.
اونینگ ایتیشیچه، بو کمپ ده یوز بیرگن هجوملرده کوپلب تینچ اهالی هلاک ایتیلیب و یرهلنهدی.
گرین ولیج کمپی باشقه ییرگه انتقال بیریلیشی خصوصیده، قابلبای منطقهسی یشاوچیلری نینگ ایستکلری توغریسیده جمهورلیک ریاست سرایی و ایچکی ایشلر وزیرلیگی نینگ فکرلرینی اورگهنیش اوچون علاقه قوردیک، بیراق کیین مه کیین قونغیراقلر نتیجهسیده مؤفق بولمهدیک.
گرین ولیج کمپی بیرینچی مرته خودکش هجوم گه دوچ کیلمهگن، بلکیم اوتگن ییل هم جدی آییده بو کمپ پارتلاوچی ماده توله بولگن موتر هجومی گه دوچ کیلیب نتیجهده 4 کیشی هلاک و 113 کیشی یرهلنگن ایدی. بو هجوم مسؤولیتینی هم طالبان گروهی بوینیگه آلدی.
گرین ولیج کمپی نیچه ییل آلدین هم طالبان گروهی نینگ خودکش هجومی گه دوچ کیلگن ایدی.
شو توغریده…
«گرین ولیج»؛ بیرکون آلدین 3 تُن پارتلاوچی ماده کشف ایتیلگن
