اوشبو واقعه جمعه دن شنبه گه اوتر کیچه غزنی ولایتی نینگ قرهباغ تومنی لیونی بازار منطقهسیده جایلشگن حربی کوچلرنینگ قرارگاهیده یوز بیرگن.
غزنی ولایت کینگشی اعضالریدن بیری غلام حسین چنگیز، بو خبرنی تصدیقلب ایتیشیچه، اوشبو واقعه طالبان گروهی شکلده حربی کوچلرنینگ قرارگاهی گه هجوم قیلگن بیر چاغده یوز بیرگن.
چنگیزگه کوره، بو هجوم ده حربی کوچلردن 27 تهسی هلاک و باشقه 7 تهسی طالبان گه قوشیلگن.
بیراق، قرهباغ ولسوالی حبیبالله زیرک نینگ ایتیشیچه، طالبان نینگ بو هجومی مذکور گروه نینگ 7 نفوذی آدمی نینگ همکارلیگی ده عملگه آشیریلگن و نفوذی آدملر بو واقعهدن سونگ طالبان گروهی گه قوشیلیشگن.
جناب زیرک گه کوره، بو هجوم ده حربی کوچلردن 25 تهسی هلاک ایتیلگن.
عین حالده، ملی مدافعه وزیرلیگی، غزنی ولایتیده طالبان نینگ نفوذی هجومچیلرینی هجومی ده 9 حربی عسکر هلاک ایتیلگنینی تصدیقلب و آرتیقچه معلومات بیرمهگن.
غزنی ولایتی نینگ پولیس قومندانی محمدخان وردک، بو واقعهنی تصدیقلیدی؛ بیراق ایتیشیچه، بو توغریده تیکشیروولر باشلنگن.
طالبان گروهی حاضرگچه بو توغریده هیچ نرسه دیمهگن.
