مملکت فوتبال فدراسیون رسمیلرنینگ ایتیشیچه، افغانستان 12 یاشر ملی فوتبال تیمی اوچ مرته یوتیش و بیر مساوی بیلن، آسیا 12 یاشر فوتبال بیلشوولر جدولیده بیرینچی بولدی.
جنوبی کوریا تامانیدن کوتیب آلینگن اوشبو اویینلرده، مملکت 12 یاشر اوسمیرلر تیمی، جنوبی کوریا و بنگلادیش «الف» و «ب» تیملری اوستیگه غلبه قازانیب و تیمور شرقی تیمی بیلن مساوی چیقدی.
افغانستان فوتبال فدراسیونی بیر خبرنامه ترقهتیب ایتیشیچه، مملکت 12 یاشر ملی تیم اویینچیلری یکشنبه کون اوچینچی اویینیده بنگلادیش برابریده 1-0 نتیجه بیلن موفق بولدی.
خبرنامهنی کوپهیتیریشیچه، تورتینچی اویینده، افغانستان، جنوبی کویا 12 یاشر «ب» تیمی برابریده چیقیب و بو مملکتنی 4-0 نتیجهسی بیلن شکست بیرگن.
خبرنامهگه کوره، مملکت 12 یاشر ملی تیمی ایکینچی اویینیده جنوبی کوریا «الف» تیمینی شکست بیرگن ایدی.
افغانستان 12 یاشر ملی تیمی بیرینچی اویینی تیمور شرقی تیمی بیلن بولیب مساوی نتیجه بیلن یکونلندی.
افغانستان 12 یاشر ملی فوتبال تیمی اوتکن ییلهم اوشبو بیلشوولرده یخشی اوینهب و ایکینچی درجهگه ایریشگن.
بو تیمگه کابل، هرات، قندهار و بلخ اویینچیلری اعضالیک قیلهدی.
