ملی خوفسیزلیک عمومی ریاستی، داعش نینگ خراسان بولیمی نی قاضیالقضاتی عبدالله اورکزی نینگ هلاک ایتیلگنیدن خبر بیرگن.
مذکور ریاست بیر اعلامیه ترقهتیب ایتیشیچه، داعش گروهی نینگ خراسان بولیمی نی قاضیالقضاتی عبدالله اورکزی، امنیتی کوچلرنینگ ریجهلنگن بیر عملیاتی ده هلاک ایتیلگن.
مذکور نهاد نینگ اعلامیهسیده کیلیشیچه، عبدالله اورکزی ننگرهار ده نازیان و اچین اوروشلری نینگ مسئولی ایکن و شونینگدیک تینچاهالی گه قرشی کوپینچه فتوا صادر قیلگن ایکن.
بو اعلامیهده تینچاهالی نینگ باشی کیسیلیشی و تینچاهالی نینگ قیزلری زوردن داعش جنگریلری نینگ نکاحی گه اوتکزیلیشی داعش نینگ خراسان بولیمی نی قاضیالقضاتی تامانیدن بیریلگن فتوالردن بیری دییلگن.
شونینگدیک عبدالله اورکزی داعش گروهی استخباراتی نینگ عمومی مسئولی اسدالله اورکزی نینگ اورینباسری ایکن.
ملی خوفسیزلیک عمومی ریاستی نینگ کوپهیتیریشیچه، عبدالله اورکزی طالبان گروهی نینگ تخنیکی همکارلیگی بیلن ننگرهار ولایتی نینگ قماقخانهسیده «بو هجوم نینگ اصلی عاملی طالبان گروه ایکن» اویوشتیریلگن هجوم مسئولی ایکن.
قویاش جاری ییل نینگ ۱۳- اسد آیی ده ننگرهار قماقخانهسی هجوم گه دوچ کیلدی کیم نتیجهده، حربیلر و تینچاهالی شامل ۲۹ کیشی هلاک و کمیده ۵۰ کیشی یرهلندی. مذکور هجومده قطار محبوسلر قاچیب کیتدی.
بو هجوم مسئولیتی نی داعش گروهی بوینیگه آلدی.
