بالامرغاب تومنی سقوط قیلگنیدن سونگ، بادغیس ولایتی کینگش اعضالری، یشاوچیلری و نمایندهلر کینگشی اعضالریدن بیرقطاری ناراضلیک نمایش آرقهلی، مرکزی حکومتنینگ دقت سیزلیکیدن تنقید قیلگنلر.
بادغیس ولایتی کینگش اعضاسی محمدناصر نظری نینگ ایتیشیچه، بالامرغاب تومنینینگ پولیس قومندانلیگی طالبان تصرفیگه اوتگن و او ییرده جایلشگن امنیتی کوچلر ملی اردو کندکیگه پناه آلیب بارگنلر.
اونینگ آگاهلنتیریشیچه، بالامرغاب تومنیده جایلشگن ملی اردو 6- کندکی طالبان قمراویده قرار تاپگن و تیزلیککه اقدام ایتیلمهگن صورتده، انسانی فاجعه یوز بیریشی ممکن.
نمایندهلر کینگشی اعضاسی ضیاالدین اکاذی نینگ ایتیشیچه، بالامرغاب تومنیده 2 کوندن بویان اوروشنینگ دوامی بار، بیراق حاضرگهقدر هیچقندی کمکی کوچ بو تومنگه یوباریلمهگن.
شوتوغریده…
- بادغیس؛ آبکمری تومنی طالبان قولیگه سقوط قیلگن
بادغیس ده طالبان هجومی نتیجهسیده 17 حربی عسکر هلاک ایتیلگن
عینحالده، بادغیس حاکمی عبدالغفور ملکزی نینگ ایتیشیچه، کمکی کوچلر بالامرغاب تومنیده یوباریلگن و کمیده 100 طالب ملی اردو کوچلری نینگ هوایی هجوملری نتیجهسیده هلاک ایتیلیب و یرهلنگنلر.
طالبان جنگریلری اوتگن کونی شام چاغیده بادغیس ولایتی نینگ آبکمری تومنیده هجوم قیلیب بو تومنی تصرف قیلگن بیرچاغده، بالامرغاب تومنی هم طالبان قولیگه سقوط قیلگن.
