بغلان امنیتی رسمیلری مولوی لعل نامی بیلن تانیلگن هلال ناملی طالبلرنینگ بغلان ولایتی اوچون تعیینلنگن والیسی اولدیریلگنیدن خبر بیردیلر.
ملی کوچلرینینگ سوزلاوچیسی احمدجاوید سلیم نینگ سلاموطندارگه ایتیشیچه، مولوی لعل 15 کیشی قومندانی و مهم آدملری بیلن پلخمری شهرینینگ دندغوری منطقهسیده افغان و خلق ارا کیسکین ماموریت هوا عملیاتی نتیجهسیده اولدیریلن. عملیات اوتگن کیچه دندغوری تومنیده اوتکزیلگن.
جناب سلیمگه کوره، مولوی لعل نفرلری بیلن بغلان ولایتیده عصیانچیلیک فعالیتلر بیلن مشغول بولگن.عملیات سهشنبه کیچهسی ساعت 11:30 ده ییر و هوادن باشلگن.
اردونینگ خاص کوچلری سوزلاوچیسیگه کوره، اولدیریلگن طالبلر ایچیده نیچه نقابلی جسد کورینگن و اولدیریلگن طالبلر کیملیگی بارهسیده تیکشیروولر باشلنگن.
بغلان ولایتی نینگ سنا مجلسیدهگی نمایندهسی فیصل سمیع نینگ ایتیشیچه، عملیات باشلنگنده مولوی لعل محل یاش اولوغلریدن بیری حاجی سلطان ناملی شخص اویگه مهمانلیکده بولگن.
اردو کوچلرینینگ سوزلاوچیسی هجوم نتیجهسیده اولدیریلگنلر سانی 15 کیشی دیگن، بیراق جناب فیصلگه کوره، حاضرگه قدر هجومده طالبلرنینگ 20 جنگریسی اولدیریلگن لیگی تصدیق ایتیلدی.
مولوی لعل طالبلرنینگ مملکت شمالشرق حوزهسیدهگی تانیقلی نفرلریدن بیری ایدی.
حاضرگه قدر طالبلر رسانهلرگه بوبارهده بیرار نرسه دیمهگن.
