افغانستان قیته قوریلیشی اوچون امریکانینگ خاص تیکشیرووچی دفتری یا-ده (سیگار) ینگی بیر گزارشیده ایتیشیچه، آمریکا اورینباسرلیک مأموریتی بیلن افغانستان خوفسیزلیک سکتوری، اونملی قرارلرگه افغانلرگه سهم بیرمهیدی ایکن و نتیجهده افغانلر آمریکا یاردمی بولمسدن عمل گه آشیریلمهیدیگن ایشلرنی عملی قیلهدی ایکن.
سیگار اوشبو گزارشده افغانستانده امنیتی مسئولیتنی انتقال بیرهدیگن قوشمه قومندانلیک نینگ سابق بیر قومندانی جنرال دانیل بولگر دن نقل قیلیب ایتیشیچه، افغانلرگه یالغیز خبر و بویروغ بیریلهدی ایدی، اولردن نه سوراق بولیدی و نه اولر بیلن مصلحت.
اوشبو گزارشده کیلیشیچه، افغانستان گه یوباریلهدیگن مصلحتچیلردن کوپینچهسی گه تیزیملر، قورال، فرهنگ، عقیدهلر و مذکور مملکت نینگ تاریخی توغریسیده بوتونلی معلومات بیریلمهیدی ایکن.
مذکور گزارش نینگ کوپهیتیریشیچه، شونینگدیک آمریکا اورینباسرلیک مأموریتی بیلن افغانستان خوفسیزلیک سکتوری نی توغری بیرشکلده آلغه گه کیتیش اوچون دواملی و هرتامانلمه بیر برنامهسی یوق ایکن. سیگارنینگ گزارشی نی بیر بولیمیده کیلیشیچه، آمریکا تامانیدن افغانستان خوفسیزلیک بودجهسیگه 83.3 میلیارد دالر اَجرهتیلگن بیرحالده، اورینباسرلیک مأموریتی بیلن خوفسیزلیک سکتورنینگ ایشیدن نظارت قیلهدیگن بیر مسئول کیشی، اداره، مملکت یا-ده اردو یوق ایکن.
شو توغریده:
- مخدره مادهگه قرشی کورهشده آمریکا ناکام بولگن؛ سیگار گزارش بیردی
سیگار: افغانستان ییرلریدن 54 فایزی حکومت نینگ نظارتی گه دیر
سیگار: طالبان نفوذی ایکی برابر آشگن
سیگار: افغانستان اوروشیده هر کون 20 عسکر هلاک بولهدی
سیگارنینگ ایتیشیچه، افغانستانده آمریکا کوچلری نینگ عمومی قومندانلیگی و ناتو تورلی ولایتلردهگی افغان کوچلری گه قندی تعلیمات و مصلحت بیریش توغریسیده بوتونلی صلاحیتی یوق ایکن و اوشبو موضوع افغان کوچلری نینگ تینگ بولمهسیگه سبب بولیب و اورینباسرلیک مأموریت بیلن خوفسیزلیک سکتورنینگ معیاری بولیشی نی آلدینی آلگن.
شونینگدیک اوشبو گزارش گه کیلیشیچه، کوپینچه عسکرلرنینگ قاچیشی، تعلیمات کوریب اوشبو مملکتده قیتگن کیشیلر رشتهلریگه قرشی ایشلرگه تعیین ایتیلیشی و افغانستان اردوسی نینگ پالیسی اوزگریشی افغان کوچلری نینگ آمریکادهگی تعلیماتی برنامهلردن ییترلیچه فایدهلنمسلیکلریگه سبب بولگن.
مذکور گزارش نینگ آخریگه کیلیشیچه، شویوزهدن آمریکا مدافعه وزیرلیگی 2020- ییلدن کیین افغانستان هوایی کوچلری نینگ پیلوتی نی تعلیمات بیریش لایحهسینی توختهتیش گه قرار آلگن.
